Sunday
24 Jun 2018

എയര്‍ ഇന്ത്യ കനിയുന്നു, ഗള്‍ഫില്‍ നിന്ന് 50 കിലോ ലഗേജ്

By: Web Desk | Tuesday 12 September 2017 10:00 PM IST

പ്രത്യേക ലേഖകന്‍
ദുബായ്: ഷാര്‍ജയില്‍ നിന്നും ദുബായില്‍ നിന്നും കേരളത്തിലേയ്ക്കും ഇന്ത്യയിലെ മറ്റു വിമാനത്താവളങ്ങളിലേക്കുമുള്ള യാത്രക്കാരുടെ ലഗേജ് 50 കിലോ ആയി ഉയര്‍ത്തി. ഇപ്പോള്‍ പരമാവധി ലഗേജ് 30 കിലോയാണ്.
ഒക്‌ടോബര്‍ 31 വരെ ടിക്കറ്റ് ബുക്കു ചെയ്യുന്ന ഇക്കോണമി ക്ലാസുകാര്‍ക്കായിരിക്കും ഈ ആനുകൂല്യം. ഓണം, ഈദ് അവധിക്കായി യുഎഇയില്‍ നിന്നും നാട്ടില്‍ പോയ ആയിരങ്ങള്‍ മടങ്ങിവന്നതിനുശേഷം നല്‍കുന്ന ഈ ലഗേജ് ഇളവ് യാത്രക്കാര്‍ കുറവായ സീസണില്‍ പ്രഖ്യാപിച്ചത് കണ്ണില്‍ പൊടിയിടാനുള്ള ഒരടവാണെന്ന് കുറ്റപ്പെടുത്തുന്ന പ്രവാസികളുമുണ്ട്.
ദുബായില്‍ നിന്നും കോഴിക്കോട്, നെടുമ്പാശേരി, ചെന്നൈ, ഹൈദരാബാദ്, മുംബൈ, വിശാഖപട്ടണം, ഷാര്‍ജയില്‍ നിന്നും തിരുവനന്തപുരം, കോഴിക്കോട് എന്നിവിടങ്ങളിലേക്കുമുള്ള യാത്രക്കാര്‍ക്കാണ് ലഗേജ് ഇളവിന്റെ ആനുകൂല്യം ലഭിക്കുക.

Related News