Saturday
23 Sep 2017

ലോകത്ത് ഏറ്റവും ആരോഗ്യമുള്ള കുട്ടികള്‍ ഈ രാജ്യത്താണ്; കാരണം?

By: Web Desk | Thursday 31 August 2017 2:43 PM IST

ലോകത്തിലെ ഏറ്റവും ആരോഗ്യവാന്മാരായ കുട്ടികൾ ജപ്പാനിലാണെന്ന് റിപ്പോര്‍ട്ട്. ആഗോള തലത്തിൽ നടത്തിയ ഒരു പഠനത്തിലാണ് ഈക്കാര്യം തെളിഞ്ഞിരിക്കുന്നത്. ദി ലാൻസെറ്റിൽ ഈ റിപ്പോര്‍ട്ട് പ്രസിദ്ധീകരിച്ചിട്ടുണ്ട്. അവിടുത്തെ ആഹാരശൈലിയാണ് ഇതിന്‍റെ പ്രധാന കാരണമെന്നാണ് റിപ്പോര്‍ട്ട് പറയുന്നത്. ലോകത്തിലെ കണക്കുകൾ പ്രകാരം കുട്ടികളിലെ അമിതവണ്ണത്തിന്‍റെ തോത് ക്രമാതീതമായി ഉയരുമ്പോൾ ജപ്പാനിൽ ഇത് മറ്റുള്ള സ്ഥലങ്ങളെ അപേക്ഷിച്ച് വളരെ കുറവാണ്. ഭക്ഷണമാണ് പ്രധാന ഘടകമെങ്കിലും അതിലെ പ്രധാനമായ കാരണം എന്നാണെന്നറിയാമോ.

വലിയ തോതിലുള്ള പുഷ്ടിപ്രദാനമായ ആഹാരങ്ങളാണ് ജപ്പാനിലുള്ളവര്‍ തെരഞ്ഞെടുക്കുന്നത്. ശരീരത്തിനാവശ്യമായത് മാത്രമാണവ. പച്ചക്കറി, ഇലവ‍ര്‍ഗ്ഗങ്ങൾ, പഴങ്ങൾ, ബീൻസ്, ധാന്യങ്ങൾ, ഇവയിലെല്ലാം ആരോഗ്യകരമായ കൊഴുപ്പാണ് അടങ്ങിയിട്ടുള്ളത്. കൂടാതെ ഹൃദയസംരക്ഷണത്തിന് ആവശ്യമായ ഓമേഗ 3 അടങ്ങിയ മീനും അവര്‍ ഭക്ഷണത്തിൽ ഉൾപ്പെടുത്തുന്നു. പഞ്ചസാരയും ഉപ്പും കുറഞ്ഞ അളവിൽ മാത്രമാണ് വര്‍ ഉപയോഗിക്കുന്നത്. അതിനാൽ തന്നെ അവരുടെ ശരീരത്തിൽ കുറഞ്ഞ അളവിലുള്ള കലോറി മാത്രമേ ചെല്ലുന്നുള്ളൂ. എന്നാൽ ഉയര്‍ന്ന തോതിൽ പ്രോട്ടീനും പ്രദാനം ചെയ്യുന്നു.ഇത് അമിതവണ്ണത്തിനുള്ള സാധ്യത ഗണ്യമായി കുറക്കുന്നു. അതാണ് ജപ്പാനിലെ കുട്ടികൾ ലോകത്തിൽ ഏറ്റവും ആരോഗ്യമുള്ള കുട്ടികളായി തെരഞ്ഞെടുക്കപ്പെടാൻ കാരണം.