Tuesday
25 Sep 2018

വാട്സാപ്പിൽ നിന്നും വൈകാതെ ഈ ഇമോജി പുറത്താകും

By: Web Desk | Wednesday 27 December 2017 1:09 PM IST

പ്രമുഖ മെസേജിംഗ് ആപ്പായ വാട്സ്‌ആപ്പിലുള്ള ഇമോജികളിലൊരെണ്ണം അശ്ലീലവും ആഭാസവുമാണെന്ന് കാട്ടി ഇന്ത്യന്‍ അഭിഭാഷകന്‍ നോട്ടീസ് അയച്ചു. തുടർന്ന് ആ ഇമോജി വാട്സാപ്പിൽ നിന്നും നീക്കം ചെയ്യണമെന്ന് ഉത്തരവിറക്കി കോടതി നോട്ടീസ് അയക്കുകയായിരുന്നു. വാട്സ്‌ആപ്പിലെ നടുവിരല്‍ ഉയര്‍ത്തുന്ന ഇമോജി 15 ദിവസത്തിനകം നീക്കം ചെയ്യണമെന്നാവശ്യപ്പെട്ട് ദില്ലി മജിസ്ട്രേറ്റ് കോടതിയിലെ അഭിഭാഷകനായ ഗുര്‍മീത് സിങ്ങാണ് നോട്ടീസയച്ചത്.

ആഭാസം നിറഞ്ഞ ശരീര ചേഷ്ഠയാണ് ഈ ഇമോജിയെന്നും ഇത് കലാപത്തിന് കാരണമാകുമെന്നും ഗുര്‍മീത് നല്‍കിയ നോട്ടീസില്‍ പറയുന്നു. ഇന്ത്യന്‍ ശിക്ഷാ നിയമത്തിലെ 509, 354 വകുപ്പുകളും ക്രിമിനല്‍ ജസ്റ്റീസ് നിയമത്തിലെ ആറാം വകുപ്പും ചൂണ്ടിക്കാട്ടിയാണ് നോട്ടീസ് അയച്ചിട്ടുള്ളത്. പരസ്യമായി ഈ ഇമോജി പോസ്റ്റ് ചെയ്യാന്‍ പ്രേരിപ്പിക്കുന്ന വാട്സ് ആപ്പ് കുറ്റകൃത്യം ചെയ്യാന്‍ പ്രേരിപ്പിക്കുകയാണെന്നും ഗുര്‍മീതിന്റെ നോട്ടീസില്‍ പറയുന്നു.