Sunday
18 Feb 2018

ഒരുമാസമായി കാണാതായ അഞ്ചു വയസുകാര​​ന്റെ  മൃതദേഹം പെട്ടിക്കുള്ളില്‍ ഒളിപ്പിച്ച നിലയില്‍

By: Web Desk | Tuesday 13 February 2018 4:21 PM IST

ന്യൂഡല്‍ഹി: ഒരുമാസമായി കാണാതായ അഞ്ചു വയസുകാര​​ന്റെ  മൃതദേഹം പെട്ടിക്കുള്ളില്‍ ഒളിപ്പിച്ച നിലയില്‍ കണ്ടെത്തി. സംഭവത്തില്‍ വാടകക്ക്​ താമസിച്ചിരുന്ന ഐ എഎസ്​ ഉദ്യോഗാര്‍ത്ഥി അവദേഷ്​ സാക്യയെ പൊലീസ്​ അറസ്​റ്റു ചെയ്​തു.
വടക്കു പടിഞ്ഞാറന്‍ ഡല്‍ഹിയില്‍ സ്വരൂപ്​ നഗറിലാണ്​ സംഭവം. കൊല്ലപ്പെട്ട കുട്ടിയുടെ വീട്ടില്‍ എട്ടു വര്‍ഷമായി താമസിക്കുന്നയാളാണ്​ അറസ്​റ്റിലായത്​.

ജനുവരി ഏഴിനാണ്​ അഞ്ചു വയസുകാരനെ കാണാതായത്​. കുഞ്ഞിനെ തെരയാന്‍ സാക്യയും വീട്ടുകാര്‍ക്കൊപ്പം ചേര്‍ന്നിരുന്നു. ഇയാളുടെ മുറിയില്‍ നിന്ന്​ കുറച്ചു ദിവസങ്ങളായി ചീഞ്ഞളിഞ്ഞ ഗന്ധം വരുന്നത്​ ശ്രദ്ധയില്‍പെട്ട അയല്‍വാസികള്‍ പൊലീസിനെ അറിയിക്കുകയായിരുന്നു. ​പൊലീസ്​ നടത്തിയ തെരച്ചിലിലാണ്​ കുട്ടിയുടെ മൃതദേഹം സ്യൂട്ട്​കേസിനുള്ളില്‍ അടച്ച നിലയില്‍ കണ്ടെത്തിയത്​.

27 കാരനായ അവിദേഷ്​ സാക്യ ഐ എസ്​എസ്​ പരീക്ഷക്കുള്ള പരിശീലനത്തിനായാണ്​ വാടകക്ക്​ താമസിച്ചിരുന്നത്​. കുട്ടിയെ കാണാതായ സംഭവത്തില്‍ പൊലീസ്​ ഇയാളെയും ചോദ്യം ചെയ്​തിരുന്നു. എന്നാല്‍ കുട്ടിയുമായി നല്ല ബന്ധമാണ്​ തനിക്കുള്ളതെന്നും രക്ഷിതാക്കള്‍ ത​​​െന്‍റ താമസസ്ഥലത്തേക്ക്​ അയക്കാറില്ലെന്നുമാണ്​ ഇയാള്‍ മൊഴി നല്‍കിയത്​. വീട്ടുകാരും ഇത്​ ശരിവെച്ചിരുന്നു.

കുഞ്ഞിനെ കാണാതായ ദിവസം തന്നെ കൊലപാതകം നടന്നിട്ടുണ്ടാകുമെന്ന നിഗമനത്തിലാണ്​ പൊലീസ്​. ജനുവരി ഏഴിനു തന്നെ രക്ഷിതാക്കള്‍ പൊലീസില്‍ പരാതി നല്‍കിയിരുന്നു. തുടര്‍ന്ന്​ വീടിനു സമീപ പ്രദേശങ്ങളില്‍ പൊലീസ്​ തെരച്ചില്‍ നടത്തുകയും ചെയ്​തു. ഇൗ സാഹചര്യത്തില്‍ മൃതദേഹം ഉപേക്ഷിക്കാന്‍ കഴിയാത്തതുകൊണ്ടാകാം പെട്ടിയില്‍ ഒളിപ്പിച്ചതെന്ന്​ പൊലീസ്​ പറയുന്നു.

Related News