Sunday
24 Sep 2017

വിദ്യാര്‍ഥിയെ അധ്യാപകര്‍ മര്‍ദ്ദിച്ചതായി പരാതി

By: Web Desk | Thursday 14 September 2017 11:36 AM IST

ഹൈദരാബാദ്: സ്കൂളിലെ ഡെസ്കില്‍ എഴുതിയെന്നാരോപിച്ച്‌ വിദ്യാര്‍ഥിയെ അധ്യാപകര്‍ ക്രൂരമായി മര്‍ദിച്ചു. മനം നൊന്ത പ്ലസ്ടു വിദ്യാര്‍ഥി അഞ്ചു നില കെട്ടിടത്തിനു മുകളില്‍നിന്നും ചാടി ആത്മഹത്യയ്ക്ക് ശ്രമിച്ചു.

ഡെസ്കില്‍ കുത്തിവരച്ചതുമായി ബന്ധപ്പെട്ട കുറ്റം അടിച്ചേല്‍പ്പിക്കുകയും തുടര്‍ന്ന് കുട്ടിയെ മുറിയില്‍ പൂട്ടിയിട്ട് മുളവടികൊണ്ട് അധ്യാപകര്‍ അടിക്കുകയും ചെയ്തു. തുടര്‍ന്ന് സ്കൂളില്‍ നിന്നും വിടുതല്‍ സര്‍ട്ടിഫിക്കറ്റ് നല്‍കി വിട്ടയക്കുകയാണെന്ന് പ്രിന്‍സിപ്പല്‍ കുട്ടിയെ അറിയിച്ചു. വീട്ടിലെത്തിയ കുട്ടി രക്ഷിതാക്കളെ വിവരം അറിയിക്കുകയായിരുന്നു. തുടർന്ന് സംഭവത്തില്‍ മനം നൊന്ത കുട്ടി ജീവനൊടുക്കാന്‍ ശ്രമിക്കുകയായിരുന്നു.