Monday
23 Jul 2018

കുല്‍ഭൂഷണ്‍ ജാദവിന് ഭാര്യയെ കാണാന്‍ അനുമതി

By: Web Desk | Friday 10 November 2017 10:02 PM IST

ന്യൂഡല്‍ഹി: പാകിസ്ഥാന്‍ വധശിക്ഷയ്ക്ക് വിധിച്ച ഇന്ത്യന്‍ നാവിക ഉദ്യോഗസ്ഥന്‍ കുല്‍ഭൂഷണ്‍ ജാദവിന് ഭാര്യയെ കാണാന്‍ പാക് സര്‍ക്കാര്‍ അനുമതി നല്‍കി. മാനുഷിക പരിഗണയുടെ പേരിലാണ് അനുമതിയെന്നും പാക് വിദേശകാര്യ മന്ത്രാലയം അറിയിച്ചു. കൂടിക്കാഴ്ചയ്ക്ക് പാകിസ്ഥാനില്‍ സൗകര്യങ്ങള്‍ ഏര്‍പ്പെടുത്തുമെന്നും മന്ത്രാലയം പ്രസ്ഥാവനയില്‍ അറിയിച്ചു.

ഇതാദ്യമായാണ് കുല്‍ഭൂഷണിന്റെ കുടുംബത്തില്‍ നിന്നുള്ള ഒരാള്‍ക്ക് അദ്ദേഹത്തെ സന്ദര്‍ശിക്കാന്‍ അനുമതി ലഭിക്കുന്നത്. നേരത്തെ ജാദവിന്റെ മാതാവ് മകനെ കാണാന്‍ അനുവദിക്കണമെന്ന് ആവശ്യപ്പെട്ടിരുന്നെങ്കിലും പാകിസ്ഥാന്‍ പ്രതികരിച്ചിരുന്നില്ല. വധശിക്ഷ ഒഴിവാക്കണമെന്നാവശ്യപ്പെട്ട് നേരത്തേ കുല്‍ഭൂഷണ്‍ പാക് സൈനിക മേധാവിക്ക് ദയാഹര്‍ജി നല്‍കിയിരുന്നു. വധശിക്ഷയ്‌ക്കെതിരെ ഉന്നത സൈനിക കോടതിയെ സമീപിച്ചിരുന്നെങ്കിലും അപേക്ഷ തള്ളുകയായിരുന്നു.

ചാരവൃത്തിയുടെയും ഭീകരപ്രവര്‍ത്തനത്തിന്റെയും പേരില്‍ ഈ വര്‍ഷം ഏപ്രിലിലാണ് കുല്‍ഭൂഷണ്‍ ജാദവിനെ പാക് സൈനിക കോടതി വധശിക്ഷയ്ക്കു വിധിച്ചത്. ഇതിനെതിരെ ഇന്ത്യ രാജ്യാന്തര നീതിന്യായ കോടതിയെ സമീപിച്ചതിനെ തുടര്‍ന്ന് വധശിക്ഷ നടപ്പാക്കരുതെന്ന് കോടതി പാക്കിസ്ഥാനോട് നിര്‍ദ്ദേശിച്ചിരുന്നു.

 

 

Related News