Monday
23 Jul 2018

മുംബൈ-പുണെ അതിവേഗ ഗതാഗത പാതയ്ക്ക് മഹാരാഷ്ട്ര

By: Web Desk | Sunday 17 June 2018 12:04 PM IST

മുംബൈ : നാലു മണിക്കൂര്‍ യാത്രാസമയം വെറും 25 മിനുറ്റിലേക്ക്  , മുംബൈ-പുണെ റൂട്ടില്‍ അതിവേഗ ഗതാഗത പാതയ്ക്കുള്ള ഒരുക്കങ്ങളുമായി മഹാരാഷ്ട്ര സര്‍ക്കാര്‍. യാത്ര ദൂരം  ചുരുക്കാനുള്ള സാങ്കേതിക പ്രവര്‍ത്തനങ്ങളാണ് പുതിയ പദ്ധതിയിലുള്ളത്.

അത്യാധുനിക കാലത്തെ ട്രെയിന്‍ പ്രോജക്‌ട് എന്നു വിശേഷിപ്പിക്കുന്ന ഹൈപര്‍ലൂപ് യുഎസ് ആസ്ഥാനമായുള്ള വിര്‍ജിന്‍ ഹൈപര്‍ലൂപ് വണ്‍ കമ്പനിയുടെ സഹകരണത്തോടെയാണ് നടപ്പാക്കുന്നത്.  അത്യാധുനിക സാങ്കേതികതയാണു കമ്പനി മുംബൈ-പുണെ റൂട്ടില്‍ പരീക്ഷിക്കുക. 2024ഓടെ പദ്ധതി പൂര്‍ത്തിയാക്കാനാകുമെന്നാണു പ്രതീക്ഷ.

150 കിലോമീറ്റർ  വരുന്ന ഈ  ദൂരം 25 മിനിറ്റു കൊണ്ട് ഓടിയെത്താമെന്നതാണു ഹൈപര്‍ലൂപ് ട്രെയിനിന്റെ ഗുണം. പദ്ധതി നടപ്പാക്കുന്നതു സംബന്ധിച്ച പ്രാഥമിക പഠനം കമ്പനി അടുത്തിടെ നടത്തിയിരുന്നു. നിക്ഷേപ സമാഹരണത്തിന്റെ ഭാഗമായി നിലവില്‍ യുഎസ് സന്ദര്‍ശിക്കുന്ന മുഖ്യമന്ത്രി ദേവേന്ദ്ര ഫഡ്‌നാവിസ് വിര്‍ജിന്‍ ഹൈപര്‍ലൂപ് വണ്‍ കമ്പനിയുമായി ചര്‍ച്ച നടത്തി. സിഇഒ റോബ് ലോയ്ഡുമായിട്ടായിരുന്നു കൂടിക്കാഴ്ച.

View image on Twitter

CMO Maharashtra

@CMOMaharashtra

CM @Dev_Fadnavis visits @Virgin @HyperloopOne test site and meets the CEO and Board member @Rob_Lloyd in Nevada, USA.
GoM is exploring this technology for Mumbai-Pune route with a travel time of just 25 minutes.

പരീക്ഷണാടിസ്ഥാനത്തില്‍ പ്രോജക്‌ട് നടപ്പാക്കാന്‍ 15 കിലോമീറ്റര്‍ പ്രദേശവും ഒരുക്കിയിട്ടുണ്ട്. പുണെ മെട്രോപൊളിറ്റന്‍ റീജ്യനല്‍ ഡെവലപ്‌മെന്റ് അതോറിറ്റിയാണ് സ്ഥലം കണ്ടെത്തി അനുവദിച്ചത്. പദ്ധതിക്കാവശ്യമായി 70 ശതമാനം അസംസ്‌കൃത വസ്തുക്കളും മഹാരാഷ്ട്രയില്‍ നിന്നു തന്നെ ലഭിക്കുമെന്നതാണ് ഏറ്റവും വലിയ ഗുണമെന്നും മുഖ്യമന്ത്രിയുടെ ഓഫിസ് പുറത്തിറക്കിയ പ്രസ്താവനയില്‍ പറയുന്നു.

അടുത്ത വര്‍ഷം ഫെബ്രുവരിയില്‍ നടക്കാനിരിക്കുന്ന ‘മാഗ്‌നറ്റിക് മഹാരാഷ്ട്ര’യിലായിരിക്കും ഇതു സംബന്ധിച്ച കരാര്‍ ഒപ്പിടുക. പ്രധാനമന്ത്രി നരേന്ദ്രമോദിയുടെ സാന്നിധ്യത്തിലായിരിക്കും കരാര്‍ ഒപ്പിടുകയെന്നും വിര്‍ജിന്‍ ഹൈപര്‍ലൂപ് വണ്‍ ചെയര്‍മാന്‍ റിച്ചാര്‍ഡ് ബ്രാന്‍സണ്‍ പറഞ്ഞു.