Wednesday
23 Jan 2019

മോദിയുടെ സന്ദര്‍ശനം; ഇന്ത്യ‍യും പലസ്തീനും ആറ് കരാറുകളിൽ ഒപ്പുവച്ചു

By: Web Desk | Sunday 11 February 2018 8:40 AM IST

റാമല്ല:

പ്രധാനമന്ത്രി നരേന്ദ്ര മോദിയുടെ സന്ദർശനത്തിന്‍റെ ഭാഗമായി ഇന്ത്യ‍യും പലസ്തീനും ആറ് കരാറുകളിൽ ഒപ്പുവച്ചു.  അടിസ്ഥാന സൗകര്യവികസന മേഖലയുമായി ബന്ധപ്പെട്ട കരാറുകളിലാണ് ഒപ്പുവച്ചത്.

ശനിയാഴ്ച റാമല്ല വിമാനത്താവളത്തിലെത്തിയ പ്രധാനമന്ത്രിക്ക് മികച്ച സ്വീകരണമായിരുന്നു ഒരുക്കിയിരുന്നത്.  ആരോഗ്യ രംഗത്തെ സഹകരണം മെച്ചപ്പെടുത്തുന്നതിനും, സ്ത്രീശാക്തീകരണത്തിനുമായി ഇന്ത്യ-പലസ്തീൻ സെന്‍റർ സ്ഥാപിക്കുന്നതിനുമടക്കമാണ് കരാറുകൾ.

വിമാനത്താവളത്തിൽനിന്ന് യാസർ അറാഫത്തിന്‍റെ ശവകുടീരത്തിലേക്കാണ് മോദി പോയത്. ഇവിടെ പുഷ്പാർച്ച നടത്തിയ മോദി അറാഫത്ത് മ്യൂസിയവും സന്ദർശിച്ചു. നേരത്തെ, മോദിയെ ശ്രേഷ്ഠ അതിഥിയെന്നായിരുന്നു പലസ്തീൻ വിശേഷിപ്പിച്ചത്. ശ്രേഷ്ഠ അതിഥിയെ സ്വീകരിക്കാൻ രാജ്യം ഒരുങ്ങിയെന്നും പലസ്തീൻ അറിയിച്ചിരുന്നു.

Related News