Friday
22 Jun 2018

വനിതാ സാമാജികരില്ലാതെ ഇത്തവണയും നാഗാലാന്‍ഡ് നിയമസഭ

By: Web Desk | Sunday 4 March 2018 10:31 AM IST

കൊഹിമ: വനിതാ സാമാജികരില്ലാതെ ഇത്തവണയും നാഗാലാന്‍ഡ് നിയമസഭ. അഞ്ച് സ്ഥാനാര്‍ഥികള്‍ ഇത്തവണ മല്‍സരരംഗത്തെത്തിയിരുന്നെങ്കിലും ഇവരാരും വിജയിച്ചില്ല. 1 963ല്‍ രൂപീകൃതമായ സംസ്ഥാനം 13 നിയമസഭാ തിരഞ്ഞെടുപ്പുകള്‍ക്കു സാക്ഷ്യം വഹിച്ചെങ്കിലും വനിതാപ്രാതിനിധ്യം ഇപ്പോഴും അകലെയാണ്. അധ്വാനിക്കുന്നവരിൽ സ്ത്രീകൾ ഏറെയാണെങ്കിലും രാഷ്ട്രീയ നേതൃരംഗം വനിതകളില്ലാത്ത നിലയിലാണിവിടെ

നാഷനല്‍ പീപ്പിള്‍സ് പാര്‍ട്ടി സ്ഥാനാര്‍ഥികളായി വീദിയെ ഉ ക്രോണു, ഡോ. കെ മംഗ്യാങ്പുല എന്നിവരാണ് ജനവിധി തേടിയത്. തുയെന്‍സാങ് സദാര്‍ -2 മണ്ഡലത്തില്‍ നിന്നു ബിജെപി സ്ഥാനാര്‍ഥിയായി രാഖില മല്‍സരിച്ചപ്പോള്‍ നാഷനലിസ്റ്റ് ഡമോക്രാറ്റിക് പ്രോഗ്രസീവ് പാര്‍ട്ടി )യെ പ്രതിനിധീകരിച്ച്‌ ഓബോയ് മണ്ഡലത്തില്‍ അവാന്‍ കൊന്‍യാക്കും, ചിസാമി മണ്ഡലത്തില്‍ നിന്നു സ്വതന്ത്ര സ്ഥാനാര്‍ഥിയായി രേഖ റോസ് ഡുക്രുവും മല്‍സരരംഗത്തുണ്ടായിരുന്നു . ബിജെപി സ്ഥാനാര്‍ഥി രാഖില ഒഴികെയുള്ള നാലു പേരും ആദ്യമായാണ് തിരഞ്ഞെടുപ്പില്‍ മല്‍സരിച്ചത്. നാഗാ പീപ്പിള്‍സ് ഫ്രണ്ടിന്റെയും (എന്‍പിഎഫ്), ഇന്ത്യന്‍ നാഷനല്‍ കോണ്‍ഗ്രസിന്റെയും സ്ഥാനാര്‍ഥി പട്ടികയില്‍ വനിതകളില്ലായിരുന്നു.