Tuesday
25 Sep 2018

റേഷന്‍ കാര്‍ഡുകള്‍ക്ക് ഇനി ഒരേ നിറം

By: Web Desk | Saturday 13 January 2018 11:57 AM IST

തിരുവനന്തപുരം: മുൻഗണന ആവശ്യമുള്ളവരെയും ഇല്ലാത്തവരെയും എളുപ്പത്തിൽ തിരിച്ചറിയുന്നതിനായി റേഷൻ കാര്‍ഡുകള്‍ വിവിധ നിറങ്ങളിൽ തയ്യാറാക്കുന്നത് നിര്‍ത്താൻ സര്‍ക്കാര്‍. മുൻഗണനക്കാര്‍ക്ക് വ്യത്യസ്തനിറം നല്‍കി പ്രത്യേകമായി അടയാളപ്പെടുത്തുന്നതിനെതിരെ എതിര്‍പ്പ് ഉയര്‍ന്ന സാഹചര്യത്തിലാണ് നടപടി.

നിലവിൽ അന്ത്യോദയ, മുൻഗണന, മുൻഗണനേത, സബ്‍‍സിഡി വിഭാഗക്കാര്‍ക്കായി മഞ്ഞ, പിങ്ക്, നീല, വെള്ള നിറങ്ങളിലുള്ള റേഷൻ കാര്‍ഡുകളാണുള്ളത്.

വ്യത്യസ്ത നിറത്തിലെ കാര്‍ഡുകള്‍ക്ക് പകരം ഒരേനിറത്തിലുള്ള കാര്‍ഡുകള്‍ നല്‍കി അതിൽ ഏത് വിഭാഗമാണെന്ന് അടയാളപ്പെടുത്തിയാൽ മതിയെന്ന് മുഖ്യമന്ത്രി പിണറായി വിജയൻ നിര്‍ദേശം നല്‍കി. കഴിഞ്ഞ തവണ കാര്‍ഡുകള്‍ പുതുക്കി നല്‍കിയപ്പോഴായിരുന്നു ബിപിൽ, എപിഎൽ വിഭാഗക്കാര്‍ക്ക് വ്യത്യസ്ത കാര്‍ഡുകള്‍ നല്‍കിയത്.

ഇനി മുതൽ മുൻഗണനാവിഭാഗക്കാര്‍ക്കും ബിപിഎൽ വിഭാഗത്തിന് ലഭിച്ചിരുന്ന ചികിത്സാആനുകൂല്യങ്ങള്‍ ലഭ്യമാകും. മുൻപ് ചികിത്സാ ആനുകൂല്യം ലഭിച്ചിരുന്നവരുടെ പട്ടികയിൽ നിന്നു പുറത്താക്കിയ 4.3 ലക്ഷം പേരിൽ 2.6 ലക്ഷം പേര്‍ അര്‍ഹരാണെന്ന് കണ്ടെത്തിയ സാഹചര്യത്തിൽ പട്ടിക പുനപരിശോധിക്കും.

ലൈഫ് മിഷന്‍ പദ്ധതിയില്‍ ചേരുന്ന അര്‍ഹരായ റേഷന്‍ കാര്‍ഡില്ലാത്തവര്‍ക്ക് താത്കാലിക റേഷന്‍ കാര്‍ഡ് നല്‍കാന്‍ മുഖ്യമന്ത്രിയുടെ സാന്നിധ്യത്തില്‍ ചേര്‍ന്ന യോഗം തീരുമാനിച്ചു. ഒപ്പം മുന്‍ഗണനപ്പട്ടികയുടെ ശുദ്ധീകരണവും കംപ്യൂട്ടര്‍ വത്കരണവും ഉടന്‍ പൂര്‍ത്തിയാക്കാനും തീരുമാനിച്ചിട്ടുണ്ട്.

Related News