Monday
25 Jun 2018

റിസര്‍വ് ബാങ്കിന്റെ പുതിയ വായ്‍പ നയം ഇന്ന്

By: Web Desk | Wednesday 7 February 2018 8:47 AM IST

റിസര്‍വ് ബാങ്കിന്റെ പുതിയ വായ്‍പ നയം ഇന്ന് പ്രഖ്യാപിക്കും. പണപ്പെരുപ്പം ഉയർന്ന് നിൽക്കുന്നതിനാൽ പലിശ നിരക്കിൽ മാറ്റമുണ്ടാകാൻ സാധ്യതയില്ല. ഉച്ചകഴിഞ്ഞ് രണ്ടരയ്‍ക്കാണ് പ്രഖ്യാപനം.

കേന്ദ്രബജറ്റിന് ശേഷം രാജ്യത്തെ സാമ്പത്തിക മേഖല ആകാംക്ഷയോടെ കാത്തിരിക്കുന്ന തീരുമാനം. റിസർവ് ബാങ്ക് പലിശ കുറയ്‍ക്കുമെന്ന് പ്രതീക്ഷിക്കുന്നില്ലെങ്കിലും പലിശ കൂട്ടുമോ എന്നൊരാശങ്ക ഒരുവിഭാഗം സാന്പത്തിക വിദഗ്ധർക്കുണ്ട്. പണപ്പെരുപ്പം കുതിച്ചുയർന്ന് 21 മാസത്തെ ഉയർന്ന നിരക്കായ 5.21 ശതമാനത്തിലെത്തി നിൽക്കുന്നതാണ് ഈ ആശങ്കയ്‍ക്ക് ആധാരം. അരുൺ ജെയ്റ്റിലിയുടെ ബജറ്റ് പ്രഖ്യാപനങ്ങളും രാജ്യാന്തര വിപണിയിൽ ക്രൂഡോയിൽ വില ഉയരുന്നതും നിമിത്തം വരും മാസങ്ങളിലും പണപ്പെരുപ്പം കൂടാനാണ് സാധ്യത.