Thursday
19 Apr 2018

ഏകദിനത്തില്‍ കോലിക്ക് വിശ്രമം; രോഹിത് നായകന്‍

By: Web Desk | Monday 27 November 2017 10:10 PM IST

മുംബൈ:

കോലിയുടെ വിമര്‍ശനത്തിന് ഫലമുണ്ടായി.ലങ്കയ്‌ക്കെതിരായ ഏകദിന പരമ്പരയ്ക്കുള്ള ഇന്ത്യന്‍ ടീമില്‍ നിന്നും നായകന്‍ വിരാട് കോലിയെ ഒഴിവാക്കി.പകരം രോഹിത് ശര്‍മ ടീമിനെ നയിക്കും. എന്നാല്‍ മൂന്നാം ടെസ്റ്റിനുള്ള ടീമിനെയും കോലി തന്നെ നയിക്കും ദക്ഷിണാഫ്രിക്കന്‍ പര്യടനത്തിന് മുന്‍പ് വിശ്രമം ആവശ്യമായതിനാലാണ് കോലിയെ ഒഴിവാക്കിയത്. ഓപ്പണര്‍ ശിഖര്‍ ധവാന്‍ ടീമില്‍ തിരിച്ചെത്തി.ഡിസംബര്‍ രണ്ടിന് ഡല്‍ഹിയിലാണ് മൂന്നാം ടെസ്റ്റ് തുടങ്ങുക. മൂന്ന് മത്സരങ്ങളുടെ പരമ്പരയില്‍ ഇന്ത്യ 1-0ന് മുന്നിലാണ്.
ഏകദിന ടീം: രോഹിത് ശര്‍മ (ക്യാപ്റ്റന്‍), ശിഖര്‍ ധവാന്‍, അജിങ്ക്യ രഹാനെ, ശ്രേയസ് അയ്യര്‍, മനീഷ് പാണ്ഡെ, കേദാര്‍ ജാദവ്, ദിനേശ് കാര്‍ത്തിക്, എം.എസ്.ധോണി, ഹര്‍ദിക് പാണ്ഡ്യ, അക്ഷര്‍ പട്ടേല്‍, കുല്‍ദീപ് യാദവ്, യുസ് വേന്ദ്ര ചഹല്‍, ജസ്പ്രീത് ബുംറ, ഭുവനേശ്വര്‍ കുമാര്‍, സിദ്ദാര്‍ഥ് കൗള്‍.
മൂന്നാം ടെസ്റ്റ് ടീം: വിരാട് കോലി (ക്യാപ്റ്റന്‍), മുരളി വിജയ്, കെ.എല്‍.രാഹുല്‍, ശിഖര്‍ ധവാന്‍, ചേതേശ്വര്‍ പൂജാര, അജിങ്ക്യ രഹാനെ, രോഹിത് ശര്‍മ, വൃദ്ധിമാന്‍ സാഹ, ആര്‍.അശ്വിന്‍, രവീന്ദ്ര ജഡേജ, കുല്‍ദീപ് യാദവ്, മുഹമ്മദ് ഷമി, ഉമേഷ് യാദവ്, ഇഷാന്ത് ശര്‍മ, വിജയ് ശങ്കര്‍.

 

Photo Courtesy: Hindustan Times