Thursday
22 Nov 2018

ലൈംഗികാരോപണം; അമേരിക്കന്‍ ബിഷപ്പ് രാജിവെച്ചു

By: Web Desk | Friday 14 September 2018 2:46 PM IST

വാഷിംങ്ടണ്‍: അമേരിക്കന്‍ ബിഷപ്പ് രാജിവെച്ചു. ലൈംഗിക പീഡനാരോപണത്തെ തുടർന്നാണ് രാജി.  വെസ്റ്റ് വെര്‍ജീനിയ കത്തോലിക്ക രൂപതാ ബിഷപ്പ് മൈക്കല്‍ ബ്രാന്‍ഡ്‌സ്ഫീല്‍ഡിന്റെ രാജി സ്വീകരിച്ചതായി പോപ്പ് ഫ്രാന്‍സിസാണ്  വ്യക്തമാക്കിയത്. വിഷയം ചര്‍ച്ച ചെയ്യാന്‍ അമേരിക്കയില്‍ നിന്ന് നാല് പ്രതിനിധികളെ മാര്‍പാപ്പ വിളിച്ചുവരുത്തിയതിനു പിന്നാലെയാണ് ബിഷപ്പ് രാജിവെച്ചത്. സംഭവത്തിൽ അന്വേഷണം നടത്താന്‍ പോപ്പ് ഉത്തരവിട്ടിട്ടുണ്ട്. അന്വേഷണം നടത്തുന്നതിന് ബാള്‍ട്ടിമോര്‍ ബിഷപ്പ് വില്യം ലോറിയെ നിയോഗിച്ചതായി പോപ്പ് അറിയിച്ചു.  മൈക്കല്‍ ബ്രാന്‍ഡ്‌സ്ഫീല്‍ഡിനെതിരായി 2007ല്‍ ഉയര്‍ന്ന ലൈംഗികാരോപണത്തിലാണ് നടപടിയെടുത്തിരിക്കുന്നത്.

പ്രായപൂര്‍ത്തിയാകാത്ത ആളുമായി ലൈംഗികബന്ധത്തിലേര്‍പ്പെട്ടതായി ബിഷപ്പ് ബ്രാന്‍ഡ്‌സ്ഫീല്‍ഡിനെതിരെ 2012ലും ആരോപണം ഉയര്‍ന്നിരുന്നു. എന്നാല്‍ അന്ന് അദ്ദേഹം ആരോപണം നിഷേധിച്ചു. താന്‍ ആരെയും ലൈംഗികമായി ചൂഷണം ചെയ്തിട്ടില്ലെന്നും, ആരോപണം ഞെട്ടിപ്പിക്കുന്നതാണെന്നും അദ്ദേഹം അന്ന് വ്യക്തമാക്കിയിരുന്നു.