Friday
20 Apr 2018

അജ്ഞാതനായ വികലാംഗനെ ട്രെയിന്‍ തട്ടിമരിച്ച നിലയിൽ കണ്ടെത്തി

By: Web Desk | Friday 13 April 2018 11:33 AM IST

കാസർകോട്:   കളനാട് തുരങ്കത്തിന് സമീപo അജ്ഞാതനായ വികലാംഗനെ ട്രെയിന്‍ തട്ടിമരിച്ച നിലയില്‍ കണ്ടെത്തി. വെള്ളിയാഴ്ച രാവിലെ 6.15 മണിയോടെയാണ് സംഭവം. 35-40 വയസ് പ്രായം തോന്നിക്കുന്ന  മൃതദേഹം പുരുഷന്റെയാണെന്ന് സംശയിക്കുന്നു. ട്രാക്ക്മാനാണ് ഛിന്നഭിന്നമായ നിലയിൽ മൃതദേഹം കണ്ടെത്തിയത്.  ട്രാക്കിന് സമീപത്തു നിന്നും കൃത്രിമ കാല്‍ പോലീസ് കണ്ടെടുത്തു. ബേക്കല്‍ പോലീസ് സ്ഥലത്തെത്തി മൃതദേഹം ഇന്‍ക്വസ്റ്റ് നടത്തി മൃതദേഹം കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് മാറ്റി.