Wednesday
19 Dec 2018

പ്രണയദശകം

By: Web Desk | Sunday 2 December 2018 4:07 PM IST

ഡോ. എം ഡി മനോജ്

കാടും കടലും മഴയും പുഴയും
നിക്കുവേണ്ടി പാടുകയായിരുന്നു.
***********
എന്നെ ഞാനേറ്റവുമോര്‍ക്കുന്നതും
എന്നെ ഞാനേറ്റവും മറക്കുന്നതും
നിന്നെ കാണുമ്പേഴാണ്.
*************
നിന്റെയഴകിനോടൊപ്പം
വരില്ലൊരു മയില്‍പ്പീലിയും
മഴയുടെ നൃത്തവും.
*************
എന്റെ കാവ്യവഴികള്‍
നിന്നിലേക്കെഴുമപാരതയല്ലോ
എന്നില്‍ നിന്നുമെന്നിലേക്കുള്ളയനന്തതയുമല്ലോ…
*************
നീയുടുത്ത നിറങ്ങളുടെ
നീലാകാശത്തിലാണ് ഞാന്‍.
*************
നിന്റെ മിഴികളിലഴകുവിരിയ്ക്ക-
യാണായിരമായിരമോലേഞ്ഞാലികള്‍….
**************
നീയെന്നെ നോക്കിയിരിക്കുമ്പോള്‍
്യൂഞാന്‍ നിന്നെ നോക്കിയിരിക്കുമ്പോള്‍
നമുക്കിടയിലെ നോട്ടങ്ങളെയാരോ
ചൂണ്ടയിട്ടുപിടിച്ച്……..
**************
നക്ഷത്രങ്ങള്‍ക്ക് കൂട്ടുപോകണമെന്ന് നീ
വെളിച്ചത്തിന്റെയാകാശം നീയല്ലോയെന്ന് ഞാന്‍…
*************
ഒരു ജന്മം പോരാ നിന്‍
ആര്‍ദ്ര സ്‌നേഹത്തിന്റെയലയാഴി നീന്തിക്കടക്കാന്‍…
************
ആദ്യമായ് കാണുമ്പോള്‍ നീയെന്നിലൊരു
മിഴിനീര്‍ക്കണമായ്…..