മലയോര ഹൈവേയിൽ പുനലൂരിനും അഞ്ചലിനും ഇടയിൽ ചുവടുകട്ടിൽ അപകടകരമായി നിൽക്കുന്ന വൈദ്യുതി പോസ്റ്റ് മാറ്റിസ്ഥാപിക്കുവാനും ഉറുകുന്ന് പതിമൂന്ന് കണ്ണറ പാലം എന്നിവടങ്ങളിൽ അപകടകരമായി നിൽക്കുന്ന വൃക്ഷങ്ങൾ മുറിച്ച് നീക്കം ചെയ്യുന്നതിനും താലൂക്ക് വികസന സമിതി നിർദേശിച്ചു.
മുൻപ് നടന്ന വികസന സമിതി യോഗം മരങ്ങൾ മുറിച്ച് നീക്കംചെയ്യാൻ നിർദ്ദേശിച്ചെങ്കിലും നാളിതുവരെ നടപടിയില്ല.
പുനലൂരിലെ കുടിവെള്ള ക്ഷാമം പരിഹരിക്കാൻ തടയണനിർമ്മാണം പൂർത്തിയാക്കണം. സഞ്ചാരികളുടെ സുരക്ഷക്കായി തെന്മല ഇക്കോടൂറിസത്തിന്റെ ഭാഗമായ വന്യജീവി വകുപ്പിന്റെ നിയന്ത്രിത മേഖലയായ കളംകുന്നിൽ ആവശ്യത്തിന് ജീവനക്കാരെ നിയമിച്ച് നിയന്ത്രണങ്ങൾ ഏർപ്പെടുത്തും. ശോചനീയാവസ്ഥയിലായ വ്യവസായ വകുപ്പിന്റെ ഓഫീസിന് പുതിയ ഓഫീസ് അനുവദിക്കും.
വികസന സമിതി യോഗത്തിൽ പങ്കെടുക്കാത്ത വകുപ്പ് തല ഉദ്യോഗസ്ഥരിൽ നിന്നും വിശദീകരണം ലഭ്യമാക്കി കളക്ടർക്ക് നൽകുവാനും യോഗം തീരുമാനിച്ചു
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.