സി പി ഐ ദേശീയ പ്രക്ഷോഭത്തിന്റെ ഭാഗമായി ആലപ്പുഴ ബി എസ് എൻ എൽ ഓഫീസിന് മുന്നിൽ ധര്ണ്ണ നടത്തി. ജില്ലാ സെക്രട്ടറി ടി ജെ ആഞ്ചലോസ് ഉദ്ഘാടനം ചെയ്തു. ഇന്ധന വിലവർദ്ധനവിനെതിരേയും, എൽ ഐ സി സ്വകാര്യവൽക്കരണത്തിനെതിരേയും, മരുന്ന് വിലവർദ്ധനവിനെതിരേയുമാണ് ദേശീയ പ്രതിഷേധവാരം ആചരിക്കുന്നത്. ജില്ലാ അസിസ്റ്റന്റ് സെക്രട്ടറി ജി കൃഷ്ണപ്രസാദ് അദ്ധ്യക്ഷനായിരുന്നു. ജില്ലാ അസിസ്റ്റന്റ് സെക്രട്ടറി പി വി സത്യനേശൻ, സംസ്ഥാന കൗൺസിൽ അംഗം ദീപ്തി അജയകുമാർ, ജില്ലാ എക്സിക്യൂട്ടീവ് അംഗങ്ങളായ പി ജ്യോതിസ്സ്, വി മോഹൻദാസ്, മണ്ഡലം സെക്രട്ടറിമാരായ വി പി ചിദംബരർ, ഇ കെ ജയൻ, ജില്ലാ കൗൺസിൽ അംഗങ്ങളായ ആർ സുരേഷ്, ഡി ഹർഷകുമാർ, പി എസ് എം ഹുസൈൻ, മണ്ഡലം അസിസ്റ്റന്റ് സെക്രട്ടറിമാരായ ബി നസീർ, ഡി പി മധു എന്നിവർ സംസാരിച്ചു.