കോവിഡ് പ്രതിരോധ കുത്തിവയ്പ്പ് സ്വീകരിച്ച 16 കാരൻ കുഴഞ്ഞുവീണു. മധ്യപ്രദേശിലെ മൊറേന സ്വദേശിയായ പില്ലുവാണ് കോവിഡ് പ്രതിരോധ വാക്സിൻ സ്വീകരിച്ചതിനുശേഷം കുഴഞ്ഞുവീണത്. തലകറങ്ങി വീണതിന് പിന്നാലെ കുട്ടിയുടെ വായിൽ നിന്ന് നുരയും പതയും വന്നതായും റിപ്പോർട്ടുകളുണ്ട്.
കുട്ടികൾക്കുള്ള കോവിഡ് വാക്സിനേഷൻ രാജ്യത്ത് കൊടുത്തു തുടങ്ങിയിട്ടില്ല. അതിനിടെ എങ്ങനെയാണ് കുട്ടിയ്ക്ക് കുത്തിവയ്പ്പ് ലഭിച്ചതെന്ന് അന്വേഷിക്കുമെന്ന് അധികൃതർ അറിയിച്ചു. പില്ലുവിനെ സമീപത്തുള്ള ആശുപത്രിയിൽ പ്രവേശിപ്പിച്ചു. കുട്ടിയ്ക്ക് അപസ്മാരമോ അതിനുസമാനമായ മറ്റെന്തെങ്കിലും അസുഖങ്ങളോ ഉണ്ടോ എന്നറിയുന്നതിനുള്ള അന്വേഷണം ആരംഭിച്ചതായും അധികൃതർ അറിയിച്ചു. രാജ്യത്ത് 12 വയസിനു മുകളിലുള്ള കുട്ടികൾക്ക് നൽകുന്നതിനായി സിഡസ് കാഡിലയ്ക്ക് അനുമതി ലഭിച്ചിട്ടുണ്ട്. എന്നാൽ കുത്തിവയ്പ്പ് ഇതുവരെ ആരംഭിച്ചിട്ടില്ലെന്നും അധികൃതർ കൂട്ടിച്ചേർത്തു.
ENGLISH SUMMARY:16-year-old fell down due to vaccinated: Investigation begins
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.