കഴിഞ്ഞ 24 മണിക്കൂറിനിടെ രാജ്യത്ത് 1,660 പുതിയ കോവിഡ് കേസുകൾ റിപ്പോർട്ട് ചെയ്തു. ഇതോടെ ആകെ രോഗം ബാധിച്ചവരുടെ എണ്ണം 4,30, 18,032 ആയി. മുമ്പുള്ള മരണങ്ങൾ കൂട്ടിച്ചേർത്തതോടെ 4100 പുതിയ കോവിഡ് മരണങ്ങളാണ് കഴിഞ്ഞ 24 മണിക്കൂറിനിടെ രാജ്യത്ത് റിപ്പോർട്ട് ചെയ്തത്. മഹാരാഷ്ട്രയിൽ 4005 പേരും കേരളത്തിൽ 79 മരണങ്ങളുമാണ് റിപ്പോർട്ട് ചെയ്തത്.
കേന്ദ്ര ആരോഗ്യ മന്ത്രാലയത്തിന്റെ കണക്കുകൾ പ്രകാരം, സജീവ കേസുകളുടെ എണ്ണം 16,741 ആയി കുറഞ്ഞു. രാജ്യത്തെ രോഗമുക്തി നിരക്ക് 98.75 ശതമാനമാണ്.
പ്രതിദിന പോസിറ്റിവിറ്റി നിരക്ക് 0. 25 ശതമാനമായി. അതേസമയം പ്രതിവാര പോസിറ്റിവിറ്റി നിരക്കും 0. 29 ശതമാനമാണ്. 24 മണിക്കൂറിനുള്ളിൽ 4,789 കേസുകളുടെ കുറവ് സജീവ കോവിഡ് കേസുകളിൽ ഉണ്ടായി.
english summary;1660 covid case in india
you may also like this video;
