Web Desk

താനെ

October 13, 2020, 10:18 am

17കാരിയുടെ ഗർഭസ്ഥ ശിശുവിന്റെ മൃതദേഹം റോഡരികിൽ; അച്ഛനും കാമുകനും അറസ്റ്റിൽ

Janayugom Online

മഹരാഷ്ട്രയിൽ പതിനേഴുകാരിയെ അച്ഛനും കാമുകനും ബലാത്സംഗം ചെയ്തു. തുടർന്ന് പെൺകുട്ടി ഗർഭിണിയായെന്നാണ് പൊലീസ് പറയുന്നത്. മൂന്നു ദിവസം മുമ്പ് താനെ വസിന്ത് പട്ടണത്തിൽ റോഡരികിൽ ഗർഭസ്ഥ ശിശുവിന്റെ മൃതദേഹം കണ്ടെത്തിയതിനെ തുടർന്നുള്ള അന്വേഷണത്തിലാണു പീഡനവിവരം പുറത്തറിഞ്ഞതെന്ന് അസിസ്റ്റന്റ് പൊലീസ് ഇൻസ്പെക്ടർ യോഗേഷ് ഗുരാവ് പറഞ്ഞു.

പീഡിപ്പിക്കപ്പെട്ട പെൺകുട്ടിയുടേതായിരുന്നു റോഡിൽ കണ്ടെത്തിയ ഗർഭസ്ഥ ശിശു. പിതാവും കാമുകനും നിരവധി തവണ ബലാത്സംഗം ചെയ്തെന്നു ചോദ്യംചെയ്യലിൽ പെൺകുട്ടി പൊലീസിനോടു വെളിപ്പെടുത്തി. പെൺകുട്ടിയും കുടുംബവും നേരത്തെ നവി മുംബൈയിലെ പൻവേലിലാണു താമസിച്ചിരുന്നത്.

അവിടെ അയൽവാസിയായിരിക്കെ പരിചയപ്പെട്ടതാണു പ്രതിയായ യുവാവിനെയെന്നു പെൺകുട്ടി പറഞ്ഞു. പ്രതികൾക്കെതിരെ ഐപിസി 376 (ബലാത്സംഗം), പോക്സോ വകുപ്പുകൾ ചുമത്തിയിട്ടുണ്ട്. അന്വേഷണത്തിന്റെ ഭാഗമായി പ്രതികളുടെ ഡിഎൻഎ പരിശോധന നടത്തുമെന്നും പൊലീസ് പറഞ്ഞു.

Eng­lish summary;17 year old girl rap­ing case arrest­ed for father, boyfriend

You may also like this video;