ടിക് ടോക് വീഡിയോ ചിത്രീകരിക്കാനായി സുഹൃത്തുക്കള്‍ കെട്ടിയിട്ട പതിനേഴുകാരന് ദാരുണാന്ത്യം. കൊല്‍ക്കത്തയിലെ പിര്‍ഗഞ്ചില്‍ കരീം ഷെയ്ഖ് ആണ് മരിച്ചത്. ടിക് ടോക്കില്‍ വീഡിയോ ചെയ്യുന്നതിനു വേണ്ടി കരീം ഷെയ്ഖിനെ ഇലക്ട്രിക് പോസ്റ്റില്‍ ബന്ധിച്ച ശേഷം മുഖം പ്ലാസ്റ്റിക് കവര്‍ ഉപയോഗിച്ച് സുഹൃത്തുക്കള്‍ കെട്ടുകയായിരുന്നു.
ഇതില്‍ നിന്നും കരീം രക്ഷപെടുന്നത് ചിത്രീകരിക്കാനാണ് സുഹൃത്തുക്കള്‍ ശ്രമിച്ചത്. എന്നാല്‍ ഇതിനിടെ ശ്വാസംമുട്ടി കരീം മരിക്കുകയായിരുന്നു. വീഡിയോ ഷൂട്ട് ചെയ്യുന്നത് 10 മിനിറ്റോളം നീണ്ടതാണ് കരീം ശ്വാസംമുട്ടി മരിക്കാന്‍ ഇടയായത്.
കരീം മരിച്ചെന്ന് മനസിലായ സുഹൃത്തുക്കള്‍ പേടിച്ച് സ്ഥലത്ത് നിന്ന് ഓടി രക്ഷപ്പെട്ടു. പിന്നീട് ഗ്രാമവാസികളാണ് കരീമിനെ ബോധമില്ലാത്ത അവസ്ഥയില്‍ കണ്ടെത്തിയത്. ഉടന്‍ ആശുപത്രിയില്‍ എത്തിച്ചെങ്കിലും അതിനകം മരണം സംഭവിച്ചിരുന്നു. കരീമും സുഹൃത്തുക്കളും ടിക് ടോക്കില്‍ വളരെ സജീവമായിരുന്നു. അതേസമയം സംഭവത്തില്‍ രണ്ട് സുഹൃത്തുക്കള്‍ക്കെതിരെ പരാതി നല്‍കിയിട്ടുണ്ടെന്ന് ബന്ധു റെയ്ബുള്‍ ഇസ്ലാം പറഞ്ഞു.അസ്വഭാവിക മരണത്തിന് പൊലീസ് കേസെടുത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.