കർണാടക അതിർത്തി അടച്ചതിനെ തുടർന്ന് ഇന്ന് രണ്ട് മരണം കൂടി

കർണ്ണാടക അതിർത്തി തുറക്കാൻ തയ്യാറാകാത്ത സാഹചര്യത്തിൽ മംഗലാപുരത്ത് പോയി ചികിത്സ തേടാനാവാതെ വന്നതോടെ കാസർകോട് രണ്ട് പേർ കൂടി മരിച്ചു.മഞ്ചേശ്വരം തുമിഴ്നാട് സ്വദേശി മാധവൻ, കുഞ്ചത്തൂർ സ്വദേശി ആയിഷ എന്നിവരാണ് മരിച്ചത്. അതിർത്തിപ്രദേശമായ തലപ്പാടിക്ക് അടുത്തുള്ളവരാണ് ഇരുവരും. മംഗലാപുരത്തേക്കുള്ള അതിർത്തി അടച്ചതിനാൽ അധികം ദൂരമുള്ള കാഞ്ഞങ്ങാട് ജില്ലാ ആശുപത്രിയിലേക്കാണ് മാധവനെ കൊണ്ടുപോയത്. വഴിമധ്യേ ആംബുലൻസിൽ വച്ച് വൈകിട്ട് 5.15 ഓടെയായിരുന്നു മാധവൻ മരണപ്പെട്ടത്.

ആയിഷയെ ഉപ്പളയിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു എങ്കിലും സ്ഥിതി തീരെ വഷളായതിനെ തുടർന്ന് മംഗലാപുരത്തെ ആശുപത്രിയിലേക്ക് കൊണ്ടു പോകാൻ ഡോക്ടർമാർ നിർദ്ദേശിക്കുകയായിരുന്നു. എന്നാൽ ആംബുലൻസ് അതിർത്തി കടത്തി വിടാത്ത അവസ്ഥ വന്നതോടെ കാഞ്ഞങ്ങാട് ജില്ലാ ആശുപത്രിയിലേക്ക് കൊണ്ടുപോകും വഴി ഉദ്ദുമയിൽ വച്ച് മരിക്കുകയായിരുന്നു.

Eng­lish Sum­ma­ry: 2 death after ambu­lance is denied per­mis­sion to cross Ker­ala-Kar­nata­ka border

You may also like this video