Web Desk

കനൗജ്

January 11, 2020, 10:22 am

ചരക്കുലോറിയുമായി കൂട്ടിയിടിച്ച ബസിന് തീപിടിച്ച്‌ 20 പേര്‍ മരിച്ചു

Janayugom Online

ഉത്തര്‍പ്രദേശിലെ കനൗജില്‍ ചരക്കുലോറിയുമായി ബസ് കൂട്ടിയിടിച്ചു. ഇടിയുടെ ആഘാതത്തിൽ ബസിന് തീപിടിച്ച് 20 പേർ മരിച്ചു. ഇന്നലെ ഒന്‍പതരയോടെ ഗിനിയോയിലെ ജിടി റോഡിലാണ് അപകടം സംഭവിച്ചത്. ജയ്പൂരില്‍ നിന്ന് കൗനൗജിലെ ഗുര്‍ഷായ്ഗഞ്ചിലേക്കു വന്ന ബസ് ലോറിയുമായി കൂട്ടിയിടിച്ച ശേഷം തീ കത്തുകയായിരുന്നു. 43 പേരായിരുന്നു ബസിലുണ്ടായിരുന്നത്. അപകടത്തില്‍ പരിക്കേറ്റവരെ ആശുപത്രിയില്‍ പ്രവേശിപ്പിച്ചിരിക്കുകയാണ്. ബസിന്റെ രണ്ടാം നിലയില്‍ കുടുങ്ങിയ ചിലര്‍ മരിച്ചതായും റിപ്പോര്‍ട്ടുകളുണ്ട്.

you may also like this video;