Web Desk

February 19, 2020, 4:00 pm

2022 വനിതാ ഏഷ്യൻ കപ്പ്; ഇന്ത്യ ആതിഥ്യം വഹിച്ചേക്കും

Janayugom Online

2022ലെ വനിതാ ഏഷ്യന്‍ കപ്പിന് ഇന്ത്യ ആതിഥ്യം വഹിച്ചേക്കും. ഇന്ത്യയ്ക്ക് അവസരം നല്‍കാം എ എഫ് സി തീരുമാനിച്ചതായാണ് വിവരങ്ങള്‍. നേരത്തെ തന്നെ ഇന്ത്യ ഏഷ്യാ കപ്പിന് ആതിഥ്യം വഹിക്കാന്‍ തയ്യാറാണ് എന്ന് എ എഫ് സിയെ അറിയിച്ചിരുന്നു. എന്നാല്‍ ഒരൊറ്റ നഗരത്തില്‍ നടത്താന്‍ അനുവദിക്കണം എന്നായിരുന്നു ആവശ്യം. മുംബൈയില്‍ മൂന്ന് ഗ്രൗണ്ടുകളിലായി നടത്താന്‍ ആയിരുന്നു ഇന്ത്യയുടെ ശ്രമം.

എന്നാല്‍ മുംബൈ ഫുട്ബോള്‍ അരീനയില്‍ മത്സരം നടത്താന്‍ ആകില്ല എന്ന് പരിശോധനയ്ക്ക് ശേഷം എ എഫ് സി വ്യക്തമാക്കി. തുടര്‍ന്ന മൂന്‍ നഗരങ്ങളിലായി ടൂര്‍ണമെന്റ് നടത്താം എന്നാണ് ഇന്ത്യ ഇപ്പോള്‍ അറിയിച്ചിരിക്കുന്നത്. അഹമ്മദബാദിലെ ട്രാന്‍സ് സ്റ്റേഡിയ , മുംബൈയിലെ ഡി വൈ പാട്ടില്‍ സ്റ്റേഡിയം, ഗോവയിലെ ഫതോര്‍ഡ് സ്റ്റേഡിയം എന്നിവയാകും ടൂര്‍ണമെന്റിന് വേദിയാവുക. ഇന്ത്യന്‍ വനിതാ ഫുട്ബോള്‍ ടീമിന് ഏഷ്യന്‍ കപ്പ് യോഗ്യതയും ഇതോടെ ലഭിക്കും.

ENGLISH SUMMARY: 2022 Wom­en’s Asian Cup; India may host it

YOU MAY ALSO LIKE THIS VIDEO