Web Desk

ശ്രീനഗര്‍

January 20, 2020, 2:14 pm

ജമ്മു കശ്മീരില്‍ ഏറ്റുമുട്ടല്‍: സുരക്ഷാസേന മൂന്ന് ഭീകരരെ വധിച്ചു

Janayugom Online

ജമ്മു കാശ്മീരിലെ സോപിയാന്‍ ജില്ലയില്‍ സുരക്ഷാസേന മൂന്ന് ഭീകരരെ വെടിവച്ച് കൊലപ്പെടുത്തി. വാച്ചി മേഖലയില്‍ ഭീകരര്‍ ഒരു വീട്ടില്‍ ഒളിച്ചിരിക്കുന്നുവെന്ന വിവരത്തിന്റെ അടിസ്ഥാനത്തിലായിരുന്നു സൈന്യം തിരച്ചില്‍ നടത്തിയത്. തിരച്ചില്‍ നടത്തുന്നതിനിടെ ഭീകരര്‍ സേനയ്ക്ക് നേരേ വെടിയുതിര്‍ത്തു. തുടര്‍ന്ന് നടന്ന ഏറ്റുമുട്ടലില്‍ മൂന്നുപേരെയും വധിക്കുകയായിരുന്നു.

തിങ്കളാഴ്ച രാവിലെ ജമ്മു കാശ്മീര്‍ പോലീസും സിആര്‍പിഎഫും കരസേനയും സംയുക്തമായി നടത്തിയ ആക്രമണത്തിലാണ് ഭീകരരെ വധിച്ചത്. കൊല്ലപ്പെട്ട മൂന്നുപേരും ഹിസ്ബുള്‍ മുജാഹിദ്ദീന്‍ ഭീകരരാണെന്നാണ് സൂചന.

അതേസമയം കൊല്ലപ്പെട്ട ഭീകരരില്‍ രണ്ടുപേരെ തിരിച്ചറിഞ്ഞു. സൈനപോര സ്വദേശി ആദില്‍ ഷേഖ്, ഊര്‍പോര സ്വദേശി വാസിം വാനി എന്നിവരാണ് കൊല്ലപ്പെട്ടത്.

YOU MAY ALSO LIKE THIS VIDEO