കോവിഡ് വ്യാപനത്തെ തുടർന്ന് വിമാനസർവീസുകൾ റദ്ദാക്കിയതോടെ ഫിലിപ്പീൻസിൽ കുടുങ്ങിയത് മലയാളികളടക്കം 400 ഇന്ത്യൻ മെഡിക്കൽ വിദ്യാർത്ഥികൾ. തലസ്ഥാനമായ മലിനയിലെ പെർപെച്ച്വൽ യൂണിവേഴ്സിറ്റിയിലെ മലയാളികൾ ഉൾപ്പെടെയുള്ള എംബിബിഎസ് വിദ്യാർത്ഥികളാണ് കുടുങ്ങിയിരിക്കുന്നത്. കേരളം,ബംഗളുരു,ചെന്നൈ എന്നിവിടങ്ങളിലേക്കുള്ള വിമാനങ്ങളാണ് റദ്ദാക്കകിയത്. കോവിഡ് വ്യാപനം രൂക്ഷമായതോടെ ഫിലിപ്പീൻസ് സർക്കാർ വിമാന സർവീസുകൾ റദ്ദാക്കുകയായിരുന്നു.

ബോഡിംങ്പാസ് വരെ നൽകിയ ശേഷമാണ് വിമാനസർവീസ് റദ്ദാക്കിയതായി അധികൃതർ അറിയിച്ചത്. തിരൂർ,കോട്ടക്കൽ,മലപ്പുറം,ആലപ്പുഴ,എറണാകുളം,കോഴിക്കോട്,കണ്ണൂർ എന്നിവിടങ്ങളിൽ നിന്നുള്ളവരാണ് കുടുങ്ങിയ മലയാളികൾ. കൂടാതെ ഇറ്റലിയിൽ കുടുങ്ങിയ വിദ്യാർഥികളെ ഇന്ത്യയിലെത്തിക്കാനുള്ള നടപടികൾ ആരംഭിച്ചതായി ഇന്ത്യൻ എംബസി വ്യക്തമാക്കി. അവിടെ കുടുങ്ങിക്കിടക്കുന്ന 300ഓളം ഇന്ത്യൻ വിദ്യാർത്ഥികളെ ഇന്ത്യയിലെത്തിക്കാൻ നടപടികൾ കൈകൊണ്ടതായി ഇറ്റലിയിലെ ഇന്ത്യൻ എംബസിയും പ്രതികരിച്ചു.

Eng­lish Sum­ma­ry: 400 indi­an includ­ing malay­alees trapped in philippins

You may also like this video