ന്യൂഡൽഹി: ഡൽഹിയിൽ അനന്ത് ഗഞ്ചിലെ ഫാക്ടറിയിൽ തീപിടിത്തം. അപകടത്തിൽ 43 പേർ മരിച്ചെന്ന് ഡൽഹി പൊലീസ് സ്ഥിരീകരിച്ചു. അമ്പതോളം പേരെ രക്ഷപ്പെടുത്തി. റാണി ഝാൻസി റോഡിൽ പുലർച്ചെയാണ് തീപിടിത്തം ഉണ്ടായത്. തീ അണയ്ക്കാനുള്ള ശ്രമം തുടരുകയാണ്.
തീപിടിത്തമുണ്ടായപ്പോള്‍ ഇരുപതോളം പേര്‍ കെട്ടിടത്തിനുള്ളില്‍ കുടുങ്ങിയിരുന്നു. 600 ചതുരശ്ര അടി വിസ്തീര്‍ണ്ണത്തിലാണ് ഫാക്ടറി സ്ഥിതി ചെയ്യുന്നത്. സ്‌ക്കൂള്‍ ബാഗുകളും, ബോട്ടിലുകളും മറ്റ് വസ്തുക്കളും നിര്‍മ്മിക്കുന്ന ഫാക്ടറിയിലാണ് തീപിടിത്തമുണ്ടായതെന്ന് ഡെപ്യൂട്ടി ഫയര്‍ ചീഫ് ഓഫീസര്‍ സുനില്‍ ചൗധരി മാധ്യമങ്ങളോട് പറഞ്ഞു.
you may also like this video
രക്ഷാപ്രവര്‍ത്തനം തുടരുകയാണ്. പൊള്ളലേറ്റവരെ ലോക് നായക്, ഹിന്ദു റാവു എന്നീ ആശുപത്രികളിൽ പ്രവേശിപ്പിച്ചിരിക്കുകയാണ്. മരണ സംഖ്യ ഇനിയും ഉയരുമോ എന്ന ആശങ്കയുള്ളതായി പൊലീസ് പറഞ്ഞു. പുക ശ്വസിച്ചാണ് കൂടുതൽ പേരും മരിച്ചത്. രക്ഷാപ്രവർത്തനം പുരോഗമിക്കുകയാണ്.
