ഇന്ത്യൻ ബാങ്കുകളുടെ അഞ്ചുലക്ഷം കാർഡ് വിവരങ്ങൾ ചോർന്നു

ഇന്ത്യൻ ബാങ്കുകളുടെ അഞ്ചുലക്ഷത്തോളം പേയ്‌മെന്റ് കാർഡുകളുടെ വിവരങ്ങള്‍ വിൽപ്പനക്ക്. ഓരോ കാർഡും ഒമ്പത് ഡോളറിന് ഡീപ് വെബിലെ പ്രധാന കാർഡ് ഷോപ്പുകളിലൊന്നായ ജോക്കേഴ്‌സ് സ്റ്റാഷിൽ വിൽപ്പനയ്ക്ക് വച്ചിരിക്കുന്നതായി സിംഗപ്പൂർ ആസ്ഥാനമായുള്ള സൈബർ സുരക്ഷ കമ്പനിയായ ഗ്രൂപ്പ്-ഐബി മുന്നറിയിപ്പ് നൽകി.

ഫെബ്രുവരി 5 നാണ് കാർഡ് വിവരങ്ങൾ വിൽപ്പനക്കെത്തിയത്. 4, 60, 000 പേയ്മെന്റ് കാർഡ് റെക്കോർഡുകൾ അടങ്ങിയ ഒരു ഡാറ്റാബേസാണ് ഗവേഷകർ കണ്ടെത്തിയത്. ഇവയിലെ 98 ശതമാനം വിവരങ്ങള്‍ ഇന്ത്യൻ ബാങ്കുകളിൽ നിന്ന് ചോർത്തിയിട്ടുള്ളതാണെന്ന് കമ്പനി പറയുന്നു.

ഏതാനും മാസങ്ങള്‍ക്കിടെ ഇന്ത്യൻ കാർഡ് ഉടമകളുമായി സംബന്ധിച്ചുള്ള ധനവിനിയോഗ വിവരങ്ങൾ ഇത്തരത്തിൽ രണ്ടാമത്തെ തവണയാണ് ചോർത്തുന്നതെന്ന് ഗ്രൂപ്പ്-ഐബി വ്യക്തമാക്കി. ഡാറ്റബേസിന്റെ മൂല്യം 4.2 മില്യൺ ഡോളറിലധികമാണെന്നാണ് കണക്കുകൾ സൂചിപ്പിക്കുന്നത്. വിവരം ഇന്ത്യൻ കമ്പ്യൂട്ടർ എമർജൻസി റെസ്‌പോൺസ് ടീമിനെ അറിയിച്ചതായും കമ്പനി അറിയിച്ചു.

Eng­lish Sum­ma­ry: 5 lakh card details leaked by Indi­an banks.

you may also like this video;