Web Desk

കാസർകോട്

April 24, 2020, 3:33 pm

കാസര്‍കോടിന് ആശ്വാസം: രോഗമുക്തി നേടി അഞ്ചുപേര്‍ കൂടി ആശുപത്രി വിട്ടു

Janayugom Online

കാസര്‍കോട് ജില്ലയ്ക്ക് വീണ്ടും ആശ്വാസം. രോഗമുക്തി നേടിയ അഞ്ചുപേര്‍ ആശുപത്രി വിട്ടു. കാസര്‍കോട് ജില്ലാ ആശുപത്രിയില്‍ ചികിത്സയിലായിരുന്ന മൂന്ന് പേരും, കാഞ്ഞങ്ങാട് ജില്ലാ ആശുപത്രിയില്‍ ചികിത്സയിലായിരുന്ന രണ്ട് പേരുമാണ് രോഗം ഭേദമായി വീട്ടിലേക്ക് മടങ്ങുന്നത്. വീട്ടില്‍ 14 ദിവസം നിരീക്ഷണത്തില്‍ കഴിയണമെന്നാണ് വ്യവസ്ഥ. ജില്ലയില്‍ നിലവില്‍ കോവിഡ് ബാധിച്ച് ചികിത്സയില്‍ കഴിയുന്നവരുടെ എണ്ണം 14 ആണ്.

ഏറ്റവും കൂടുതല്‍ കോവിഡ് രോഗികള്‍ ചികിത്സയില്‍ കഴിഞ്ഞ കാസര്‍കോട് ജനറല്‍ ആശിപത്രിയില്‍ നിലവില്‍ ഒരാള്‍ മാത്രമേ ചികിത്സയിലുള്ളൂ. കാസര്‍കോട് ജില്ലയില്‍ മൊഗ്രാല്‍ പുത്തൂര്‍,ചെങ്കള,ചെമ്മനാട്,മധൂര്‍,മുളിയാര്‍ പഞ്ചായത്തുകളും കാസര്‍കോട്,കാഞ്ഞങ്ങാട് മുനിസിപ്പാലിറ്റികളുമാണ് ഹോട്ട് സ്പോട്ടുകള്‍. അതോടൊപ്പം കുമ്പള പഞ്ചായത്തിനെ കൂടി ഹോട്ട് സ്പോട്ട് പട്ടികയില്‍ ഉള്‍പ്പെടുത്തിയിട്ടുണ്ട്.

Eng­lish Sum­ma­ry: 5 more covid-19 neg­a­tive in kasargod

You may also like this video