August 11, 2022 Thursday

Related news

June 2, 2022
August 21, 2021
March 18, 2021
October 6, 2020
March 25, 2020
March 24, 2020
March 3, 2020
January 30, 2020
January 20, 2020
January 20, 2020

2020 ജനസംഖ്യ കണക്കെടുപ്പിന് 5,00,000 താല്‍ക്കാലിക ജീവനക്കാരെ നിയമിക്കുന്നു

പി പി ചെറിയാന്‍
വാഷിംഗ്ടണ്‍ ഡിസി
January 14, 2020 6:18 pm

2020 ല്‍ അമേരിക്കയില്‍ നടക്കുന്ന ജനസംഖ്യ കണക്കെടുപ്പിന് യുഎസ് സെന്‍സസ് ബ്യൂറോ ദേശീയാടിസ്ഥാനത്തില്‍ 500000 താല്‍ക്കാലിക ജീവനക്കാരെ നിയമിക്കുന്നു.

അമേരിക്കയില്‍ ഓരോ പത്തുവര്‍ഷം കൂടുമ്പോഴും ഭരണ ഘടനയ്ക്കനുസൃതമായി ജനസംഖ്യാ കണക്കെടുപ്പ് നടത്തുന്നത് ജനസംഖ്യാനുപാതം കണക്കാക്കി ഫെഡറല്‍ ഫണ്ട് വീതം വയ്ക്കുന്നതിനാണ്. സംസ്ഥാനങ്ങളിലെ ഹെല്‍ത്ത് ക്ലിനിക്ക്‌സ്, സ്‌കൂളുകള്‍, റോഡുകള്‍, അത്യാവശ്യ സര്‍വീസുകള്‍ എന്നിവക്ക് ബില്യണ്‍ കണക്കിന് ഡോളറാണ് ഫെഡറല്‍ ഗവണ്‍മെന്റ് സംസ്ഥാനങ്ങള്‍ അനുവദിക്കുന്നത്.

2020 മാര്‍ച്ചില്‍ ആരംഭിക്കുന്ന കണക്കെടുപ്പിന് അമേരിക്കയിലെ ഓരോ വീട്ടിലും ഓണ്‍ലൈന്‍, ഫോണ്‍, മെയില്‍ സര്‍വ്വീസുകള്‍ വഴി ആവശ്യമായ നിര്‍ദ്ദേശങ്ങള്‍ ലഭിക്കുന്നതാണ്. ഹൈസ്‌ക്കൂള്‍ വിദ്യാഭ്യാസം പൂര്‍ത്തിയാക്കിയവര്‍, വിമുക്ത ഭടന്മാര്‍, പെന്‍ഷന്‍ പറ്റിയവര്‍, സേനാംഗങ്ങളുടെ ഭാര്യമാര്‍ എന്നിവരെയാണ് ഈ തസ്തികയിലേക്ക് പരിഗണിക്കുകയെന്ന് സെന്‍സസ് ബ്യൂറോ അസ്സോസിയേറ്റ് ഡയറക്ടര്‍ തിമോത്തി ഓള്‍സണ്‍ പറഞ്ഞു.

സ്പാനിഷ് ഭാഷ അറിയുന്നത് സഹായകരമാകുമെന്നും അദ്ദേഹം പറഞ്ഞു. വീടുവീടാന്തരം കയറിയിറങ്ങി ചെയ്യുന്ന പ്രവര്‍ത്തകര്‍ക്ക് നല്ല ശമ്പളവും ആനുകൂല്യങ്ങളും ലഭിക്കുമെന്നും ഓള്‍സന്‍ പറഞ്ഞു. താല്‍പര്യമുള്ളവര്‍ക്ക് 2020 http://elmsus.gov/jobs എന്ന വെബ്‌സൈറ്റില്‍ അപേക്ഷിക്കാവുന്നതാണ്.

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.