ഏഷ്യയിലെ ഏറ്റവും വലിയ ചേരിയായ ധാരാവിയുടെ പുനർവികസനം അഡാനി ഗ്രൂപ്പ് നടത്തും. ഇതുമായി ബന്ധപ്പെട്ട ടെൻഡർ ഗൗതം അഡാനിയുടെ ഉടമസ്ഥതയിലുള്ള അഡാനി പ്രൊപ്പർട്ടീസ് നേടി. 5,069 കോടി ലേലത്തുക സമർപ്പിച്ചപ്പോൾ ഡിഎൽഎഫ് ഗ്രൂപ്പ് 2,025 കോടി രൂപയാണ് ക്വട്ടേഷൻ നൽകിയതെന്ന് ധാരാവി പുനർവികസന പദ്ധതി ചീഫ് എക്സിക്യൂട്ടീവ് ഓഫീസർ എസ്‌ വി ആർ ശ്രീനിവാസ് പറഞ്ഞു.
20,000 കോടിയുടെ പദ്ധതിയുടെ ആദ്യഘട്ടം ഏഴ് വർഷത്തിനുള്ളിൽ പൂർത്തിയാകും. 17 വർഷത്തിനുള്ളിലാണ് പദ്ധതി പൂർത്തിയാക്കാൻ ഉദ്ദേശിക്കുന്നത്. വികസനത്തിനായി പ്രത്യേക സ്ഥാപനം രൂപീകരിക്കും. കഴിഞ്ഞ 15 വർഷത്തിനിടെ നാല് തവണയെങ്കിലും ധാരാവിയുടെ വികസനത്തിനായി ലേലത്തിനുള്ള ടെൻഡർ വിളിച്ചെങ്കിലും നടപടികൾ പൂർത്തിയാക്കാനായിരുന്നില്ല.
ഏറ്റവും കൂടുതൽ തുക പദ്ധതിക്കായി മുടക്കുന്നവർക്ക് ലേലത്തിനുള്ള അവസരം നൽകുമെന്നാണ് സർക്കാർ അറിയിച്ചിരുന്നത്. ഇത്തവണ രണ്ട് കമ്പനികള്‍ മാത്രമാണ് ലേലത്തില്‍ പങ്കെടുത്തത്.
English Summary: 5,069 crore for the development of Dharavi
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.