Web Desk

മുംബൈ

January 19, 2020, 12:37 pm

മാരത്തണിൽ പങ്കെടുക്കവെ 64കാരൻ ഹൃദയാഘാതം മൂലം മരിച്ചു

Janayugom Online

മുംബൈ മാരത്തണ്‍ 2020ല്‍ പ​ങ്കെടുക്കവെ 64കാരന്‍ ഹൃദയാഘാതത്തെ തുടര്‍ന്ന് മരിച്ചു. ഞായറാഴ്ച പുലര്‍ച്ച ആരംഭിച്ച 17-ാമത് ടാറ്റാ മുംബൈ മാരത്തോണില്‍ പങ്കെടുക്കുന്നതിനിടെയാണ് സംഭവം. മുതിര്‍ന്ന പൗരന്മാരുടെ വിഭാഗത്തില്‍ ഓടിക്കൊണ്ടിരുന്ന ഗജനന്‍ മല്‍ജാല്‍ക്കര്‍ ആണ്​ മരിച്ചത്​. മാരത്തണില്‍ പ​ങ്കെടുത്ത്​ നാല്​ കിലോമീറ്റര്‍ ദൂരം ഓടിയെത്തിയപ്പോഴേക്ക്​ തളര്‍ന്ന്​ വീഴുകയായിരുന്നു. ഉടനെ ബോംബെ ആശുപത്രിയില്‍ പ്രവേശിപ്പിച്ചെങ്കിലും മരണം സംഭവിച്ചു.

ഗജാനനെ കൂടാതെ മാരത്തോണിനിടെ ഏഴുപേര്‍ക്ക് കൂടി ഹൃദയസ്തംഭനം അനുഭവപ്പെട്ടതായും അവരെല്ലാവരും ചികിത്സയിലാണെന്നും ബോംബെ ഹോസ്പിറ്റല്‍ പി.ആര്‍.ഒ. റിപ്പോര്‍ട്ട് ചെയ്തു.  55,000ല്‍ അധികം ആളുകളാണ് മാരത്തോണില്‍ പങ്കെടുക്കുന്നത്. അര്‍ദ്ധ മാരത്തണ്‍ രാവിലെ 5.15നും 10 കിലോമീറ്റര്‍ ഓട്ടം രാവിലെ 6.30നുമായിരുന്നു ആരംഭിച്ചത്​. മുംബൈയിലെ ഛത്രപതി ശിവജി മഹാരാജ് ടെര്‍മിനസ് (സി.എസ്.ടി) സ്റ്റേഷനില്‍ നിന്നാണ് 10കി.മി മാരത്തണ്‍ ആരംഭിച്ചത്. ഫുള്‍ മാരത്തോണ്‍, ഹാഫ് മാരത്തോണ്‍, പത്തുകിലോ മീറ്റര്‍ ഓട്ടം, മുംബെ എലൈറ്റ് റണ്‍ എന്നിങ്ങനെ വിവിധ വിഭാഗങ്ങള്‍ പരിപാടിയില്‍ ഉള്‍പ്പെടുത്തിയിട്ടുണ്ട്.

Eng­lish sum­ma­ry: 64 year old man-dies while par­tic­i­pat­ing in 2020 marathon

You may also like this video