ആളുകൾക്ക് നിൽക്കാൻ പോലും സ്ഥമില്ലാതെ ഓടിയിരുന്ന പല ട്രെയിനുകളും ഇന്ന് യാത്രക്കാരില്ലാതെ ഓടുന്ന സ്ഥിതിയാണ്. കൊറോണ വ്യപനത്തെ തുടർന്ന് രാജ്യത്താകമാനം കടുത്ത നിയന്ത്രണങ്ങളും മുൻകരുതലുകളും ഒരുക്കിയ പശ്ചാത്തലത്തിലാണ് ട്രെയിനുകളിൽ യാത്രക്കാർ ഇല്ലാതെയായത്. ഇത്തരത്തിൽ യാത്രക്കാർ ഇല്ലാതെ വന്നതോടെയാണ് 85 ട്രെയിനുകൾ ഇന്ത്യൻ റയിൽവേ റദ്ദാക്കിയിരിക്കുന്നത്.
മാര്‍ച്ച്‌ 18 മുതല്‍ ഏപ്രില്‍ ഒന്നുവരെയാണ് ട്രെയിനുകള്‍ റദ്ദാക്കിയത്. സെല്‍ട്രല്‍ റെയില്‍വേ-23, ദക്ഷിണ മധ്യ റെയില്‍വേ-29, പടിഞ്ഞാറന്‍ റെയില്‍വേ-10, ദക്ഷിണ പൂര്‍വ റെയില്‍വേ- ഒമ്ബത് എന്നിങ്ങനെയാണ് റദ്ദാക്കിയ ട്രെയിനുകളുടെ എണ്ണം. ഈസ്റ്റ് കോസ്റ്റ് റെയില്‍വേയും നോര്‍ത്തേണ്‍ റെയില്‍വേയും അഞ്ചും നോര്‍ത്ത് വെസ്റ്റേണ്‍ റെയില്‍വേ നാലും ട്രെയിനുകളും റദ്ദാക്കിയിട്ടുണ്ട്. കോവിഡ്-19 ന്‍റെ പശ്ചാത്തലത്തില്‍ റെയില്‍വേ സ്റ്റേഷനിലെ തിരക്ക് കുറയ്ക്കാന്‍ വെസ്റ്റേണ്‍ റെയില്‍വേയും സെന്‍ട്രല്‍ റെയില്‍വേയും പ്ലാറ്റ് ഫോം ടിക്കറ്റിന് 50 രൂപയാക്കിയിരുന്നു. പ്രധാന സ്റ്റേഷനുകളില്‍ മാത്രമാണു വര്‍ധന. ടിക്കറ്റ് നിരക്ക് വര്‍ധന താല്‍ക്കാലികമായാണെന്ന് റെയില്‍വേ അറിയിച്ചിട്ടുണ്ട്.
English Summary: 85 trains cancelled by indian railway
you may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.