Web Desk

ഭുവനേശ്വർ

January 29, 2020, 11:29 am

പാലത്തിന്റെ കൈവരികൾ തകർത്ത് ബസ് താഴേക്ക് പതിച്ചു; ഒമ്പത് മരണം, 41 പേർക്ക് പരിക്ക്

Janayugom Online

പാലത്തിന്റെ കൈവരികൾ ഇടിച്ച് തകർത്ത് ബസ് താഴേക്ക് പതിച്ച് ഒൻപത് പേർ മരിച്ചു. 41 പേർക്ക് പരിക്കേറ്റു. ഇന്ന് പുലർച്ച മൂന്ന് മണിയോടെയാണ് അപകടമുണ്ടായത്. ഗഞ്ചാം ജില്ലയിലെ ത്പ്താപാനി ഘാട്ടിന് സമീപമുള്ള പാലത്തിൽ നിന്നാണ് ബസ് അപകടത്തിൽപ്പെട്ടത്.

ബെർഹാംപൂരിൽ നിന്നും ടിക്രിയിലേക്ക് പോവുകയായിരുന്ന ബസാണ് അപകടത്തിൽപ്പെട്ടത്. പരിക്കേറ്റവരെ ബെർഹാംപൂരിലും ദിഗപഹാൻഡിയിലുമുള്ള ആശുപത്രിയിലായി പ്രവേശിപ്പിച്ചിരിക്കുകയാണ്. ബ്രേക്ക് തകരാറിലായതാണ് അപകടകാരണമെന്നാണ് സൂചന. രക്ഷാപ്രവർത്തനം പുരോഗമിക്കുകയാണെന്ന് പൊലീസ് വ്യക്തമാക്കി.