Wednesday
18 Sep 2019

ചന്ദ്രയാന്‍- 2 ചന്ദ്രന്‍റെ ദക്ഷിണദ്രുവത്തിലിറങ്ങുന്നത് പ്രധാനമന്ത്രിക്കൊപ്പം തത്സമയം കാണാന്‍ അവസരം ലഭിച്ച് 60 വിദ്യാര്‍ത്ഥികള്‍

By: Web Desk | Sunday 1 September 2019 10:19 AM IST


മഹ്‌സാമുന്ദ്(ഛത്തീസ്ഗഡ്): ചന്ദ്രന്‍റെ ദക്ഷിണ ദ്രുവത്തില്‍ ചാന്ദ്രയാന്‍ -2 ഇറങ്ങുന്ന അസുലഭ നിമിഷം ലൈവായി പ്രധാന മന്ത്രിക്കൊപ്പം കാണാന്‍ ഭാഗ്യം ലഭിച്ച് 60 വിദ്യാര്‍ഥികള്‍.

ഇത് എനിക്ക് ലഭിച്ച വളരെ വലിയൊരു അവസരമാണെന്ന് തെരഞ്ഞെടുക്കപ്പെട്ട ഛത്തീസ്ഗഡ് സ്വദേശിയായ ഒമ്പതാം ക്ലാസ് വിദ്യാര്‍ത്ഥിനി ശ്രീജല്‍ ചന്ദ്രാകര്‍ പറ‍ഞ്ഞു.  ചാന്ദ്രയാന്‍ 2 ച്രന്ദ്രോപരിതലത്തില്‍ സോഫ്റ്റ് ലാന്‍ഡിങ് നടത്തുന്നത് തത്സമയം കാണാനാണ് അവസരം ലഭിച്ചിരിക്കുന്നത്.

പ്രധാനമന്ത്രിയെക്കാണാനും ചന്ദ്രയാന്‍-2 ചന്ദ്രോപരിതലത്തില്‍ സോഫ്റ്റ് ലാന്‍ഡിങ് നടത്തുന്നത് കാണാനും കഴിയുക എന്നത് വലിയൊരു കാര്യമാണെന്നും ശ്രീജല്‍ പറയുന്നു.

കേന്ദ്രീയ വിദ്യാലയത്തിലെ വിദ്യാര്‍ത്ഥിനിയായ ശ്രീജല്‍ 60 വിദ്യാര്‍ത്ഥികള്‍ക്കൊപ്പമാണ് ശൂന്യാകാശ ദൃശ്യങ്ങള്‍ കാണാന്‍ ബെംഗളൂരുവിലേയ്ക്ക് പോകുക. ശൂന്യാകാശത്തെ അടിസ്ഥാനപ്പെടുത്തി നടത്തിയ ക്വിസ് മത്സരത്തില്‍ വിജയിച്ചതോടെയാണ് ഈ അവസരം ലഭിച്ചത്.

സെപ്റ്റംബര്‍ ഏഴാം തീയതി 1.55ന് ബെംഗളൂരുവിലെ ഐഎസ്ആര്‍ഒ കേന്ദ്രത്തില്‍ വെച്ചാണ് തത്സമയ ദൃശ്യങ്ങള്‍ കാണാന്‍ കഴിയുക.

YOU MAY LIKE THIS VIDEO ALSO