29 March 2024, Friday

Related news

March 28, 2024
March 7, 2024
March 1, 2024
March 1, 2024
February 24, 2024
February 19, 2024
February 13, 2024
January 29, 2024
January 29, 2024
January 17, 2024

പരീക്ഷയിൽ തോറ്റാൽ വീട്ടിൽനിന്ന് പുറത്താക്കുമെന്ന് ഭീഷണിപ്പെടുത്തിയ അച്ഛനെ 15കാരൻ വെട്ടിക്കൊന്നു

Janayugom Webdesk
ഭോപാൽ
April 7, 2022 1:11 pm

മധ്യപ്രദേശിലെ ഗുണ ജില്ലയിൽ പരീക്ഷയിൽ തോറ്റാൽ വീട്ടിൽനിന്ന് പുറത്താക്കുമെന്ന് ഭീഷണിപ്പെടുത്തിയ അച്ഛനെ വെട്ടിക്കൊന്ന പത്താംക്ലാസുകാരൻ അറസ്റ്റിൽ. പരീക്ഷയിൽ തോറ്റാൽ വീട്ടിൽനിന്ന് പുറത്താക്കുമെന്ന് ഭയത്താലാണ് അച്ഛനെ കൊലപ്പെടുത്തിയതെന്നാണ് 15കാരൻ മൊഴി മൊഴി നല്‍കി.

ഏപ്രിൽ രണ്ടിന് രാത്രിയോടെയാണ് സംഭവം. ഉറങ്ങുകയായിരുന്ന അച്ഛനെ മകൻ കോടാലി കൊണ്ട് വെട്ടിക്കൊല്ലുകയായിരുന്നു. കൊലപാതകത്തിന് പിന്നിൽ അയൽക്കാരനാണെന്ന് വരുത്തിതീർക്കാനും 15‑കാരൻ ശ്രമിച്ചു. അയൽക്കാരനും കുട്ടിയുടെ കുടുംബവും തമ്മിൽ നേരത്തെ ചില പ്രശ്നങ്ങളുണ്ടായിരുന്നു. ഇത് മുതലെടുത്താണ് കൊലപാതക കേസിൽ അയൽക്കാരനെ കുടുക്കാൻ ശ്രമിച്ചത്.

അച്ഛനെ കൊന്നത് അയൽക്കാരനാണെന്നും കൊല നടത്തിയ ശേഷം ഇയാൾ വീട്ടിൽനിന്ന് ഓടിപ്പോകുന്നത് താൻ കണ്ടെന്നുമായിരുന്നു കുട്ടി പൊലീസിന് ആദ്യം മൊഴി നൽകിയത്. ഇതിന്റെ അടിസ്ഥാനത്തിൽ പോലീസ് അയൽക്കാരനെ കസ്റ്റഡിയിലെടുത്ത് ചോദ്യംചെയ്തിരുന്നു. ഫൊറൻസിക് പരിശോധന ഫലം പുറത്തുവന്നതോടെയാണ് പൊലീസിന് കൂടുതൽ സംശയം തോന്നിയത്.

പഠിക്കാത്തതിന് അച്ഛൻ പതിവായി വഴക്കുപറഞ്ഞിരുന്നതായാണ് 15‑കാരന്റെ മൊഴി. പരീക്ഷയിൽ തോറ്റാൽ വീട്ടിൽനിന്ന് പുറത്താക്കുമെന്നും ഭീഷണിപ്പെടുത്തി. അടുത്തിടെ നടന്ന പരീക്ഷയ്ക്ക് താൻ ഒന്നും പഠിച്ചിരുന്നില്ല. അതിനാൽ പരീക്ഷയിൽ തോൽക്കുമെന്ന് കരുതിയെന്നും തോറ്റാൽ അച്ഛൻ ശാസിക്കുമെന്ന് ഭയന്നിരുന്നതായും കുട്ടി പൊലീസിനോട് പറഞ്ഞു.

സംഭവത്തിൽ പ്രതിയുടെ അറസ്റ്റ് രേഖപ്പെടുത്തിയതായി പൊലീസ് സൂപ്രണ്ട് രാജീവ് മിശ്ര അറിയിച്ചു. കോടതിയിൽ ഹാജരാക്കിയ കുട്ടിയെ പിന്നീട് ജുവനൈൽ ഹോമിലേക്ക് അയച്ചു.

Eng­lish summary;A 15-year-old man hacked his father to death after threat­en­ing to kick him out of the house if he failed the exam

You may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.