സിപിഐ കരിമ്പുഴ ലോക്കൽ സമ്മേളനം മുന്‍ എം എല്‍ എ പി കുമാരൻ നഗറില്‍ (കരിമ്പുഴ ഹൈസ്കൂൾ) നടന്നു. ജില്ലാ സെക്രട്ടറി കെ പി സുരേഷ് രാജ് ഉദ്ഘാടനം ചെയ്തു. മുതിർന്ന അംഗം കെ എ രംഗപ്പൻ പതാക ഉയർത്തി. രാമചന്ദ്രൻ അധ്യക്ഷതയും എൽസി സെക്രട്ടറി കെ നാരായണൻ സ്വാഗതവും പറഞ്ഞു. രക്തസാക്ഷി പ്രമേയം പി എം ശിവകരനും, അനുശോചന പ്രമേയം ഇ ദാസനും അവതരിപ്പിച്ചു.
മണ്ഡലം സെക്രട്ടറി വി പി ജയപ്രകാശ്, ജില്ലാ കമ്മിറ്റി അംഗം ജ്യോതി വാസൻ എന്നിവർ സംസാരിച്ചു. ഇ രാമൻ, ചെല്ലമ്മ ലൂക്കോസ്, ഉമേഷ്, കനകലതടീച്ചർ, യൂസഫ്, മണികണ്ഠൻ, മുജീബ്, ശിവശങ്കരൻ എന്നിവര്‍ ചർച്ചയിൽ പങ്കെടുത്തു. കരിമ്പുഴ പുഴയിൽ തടയണ എത്രയും വേഗം നിർമിക്കണമെന്ന് സർക്കാരിനോട് പ്രമേയത്തിലൂടെ ആവശ്യപെട്ടു. ഭാരവാഹികളായി കണ്ടയിൽ നാരായണൻ (സെക്രട്ടറി), ഇ ദാസൻ (ജോ. സെക്രട്ടറി) എന്നിവരെ തിരഞ്ഞെടുത്തു. മെയ് മൂന്നിന് നടക്കുന്ന മണ്ഡലം സമ്മേളന പ്രതിനിധികളായി 25 പേരെയും, പുതിയ അംഗങ്ങളായി 9 അംഗ ലോക്കല്‍ കമ്മിറ്റിയും തിരഞ്ഞെടുത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.