കണ്ണവം മൊടോളിയിൽ ഒരാൾക്ക് ദുരൂഹ സാഹചര്യത്തിൽ വെടിയേറ്റു.കോട്ടയിൽ സ്വദേശി കെ പ്രദീപനാണ് വെടിയേറ്റത്.ഗുരുതരമായി പരിക്കേറ്റ ഇയാൾ കണ്ണൂരിലെ സ്വകാര്യ ആശുപത്രിയിൽ ചികിത്സയിലാണ്.കണ്ണവം പൊലീസ് അന്വേഷണം ആരംഭിച്ചു.വെള്ളിയാഴ്ച വൈകുന്നേരം 5 മണിയോടെയാണ് സംഭവം. മൊടോളിയിൽ പുഴക്കരയിൽ വെച്ചാണ് സംഭവം നടന്നതെന്ന് പൊലീസ് പറഞ്ഞു.വലത് മുതുകിന് (ഷോൾഡർ ) വെടിയേറ്റ പ്രദീപൻ കണ്ണൂരിലെ സ്വകാര്യ ആശുപത്രിയിൽ വെൻ്റിലേറ്ററിൽ ചികിത്സയിലാണ്.അപകടനില തരണം ചെയ്തതായാണ് വിവരം.ഇയാളെ കോട്ടയിൽ സ്വദേശിയായ സുഹൃത്ത് ആശുപത്രിയിലെത്തിക്കുകയും അതിന്ശേഷം കടന്നുകളഞ്ഞതായും പൊലീസ് പറഞ്ഞു.സംഭവത്തിൽ കണ്ണവം സി ഐ ടി വി പ്രദീഷിന്റെ നേതൃത്വത്തിൽ അന്വേഷണം ആരംഭിച്ചു.എങ്ങനെയാണ് വെടിയേറ്റതെന്നത് സംബന്ധിച്ച് വ്യക്തതയില്ല.തോക്കും കണ്ടെത്താനായിട്ടില്ല.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.