Web Desk

ന്യൂഡൽഹി

January 17, 2020, 9:50 pm

വർഗീയ കലാപങ്ങളുടെ ഇരകൾക്ക് സഹായം ലഭ്യമാക്കുന്നതിന് ആധാർ നിർബന്ധം

Janayugom Online

തീവ്രവാദി ആക്രമണങ്ങൾ, നക്സൽ ആക്രമണങ്ങൾ, മറ്റ് വർഗീയ കലാപങ്ങൾ എന്നിവയുടെ ഇരകൾക്ക് സാമ്പത്തിക സഹായം ലഭ്യമാക്കുന്നതിന് ഇനി ആധാർ നിർബന്ധം. ഇതുമായി ബന്ധപ്പെട്ട വിജ്ഞാപനം കഴിഞ്ഞ ദിവസം ആഭ്യന്തര മന്ത്രാലയം പുറപ്പെടുവിച്ചു. ധനസഹായം ലഭിക്കാൻ അർഹതയുള്ളവർ ആധാർ കാർഡ് നിർബന്ധമായും വാങ്ങിയിരിക്കണം. കാർഡ് ഇല്ലാത്തവർ അപേക്ഷ നൽകണമെന്നും വിജ്ഞാപനത്തിൽ പറയുന്നു.

അസം, മേഘാലായ എന്നീ സംസ്ഥാനങ്ങൾ ഒഴികെ മറ്റെല്ലാ സംസ്ഥാനങ്ങൾക്കും കേന്ദ്ര ഭരണ പ്രദേശങ്ങൾക്കും പുതിയ വിജ്ഞാപനം ബാധകമാണ്. ആധാർ ഇല്ലാത്ത ഗുണഭോക്താക്കൾ ആധാർകാർഡിനുള്ള അപേക്ഷയുടെ പകർപ്പിനൊപ്പം പാൻകാർഡ്, ബാങ്ക് പാസ്ബുക്ക്, ഡ്രൈവിങ് ലൈസൻസ്, തൊഴിലുറപ്പ് പദ്ധതിയുടെ കാർഡ്, കിസാൻ പാസ് ബുക്ക് എന്നീ രേഖകളിലൊന്ന് സമർപ്പിച്ചാൽ ആനുകൂല്യം ലഭ്യമാക്കുമെന്നും പുതിയ വിജ്ഞാപനത്തിൽ പറയുന്നു.

Eng­lish sum­ma­ry: Aad­haar insists on pro­vid­ing assis­tance to vic­tims of com­mu­nal violence

you may also like this video