Web Desk

ന്യൂഡൽഹി

February 21, 2020, 2:58 pm

അയോധ്യയിൽ ഹനുമാന്റെ പ്രതിഷ്ഠയും വേണമെന്ന് ആം ആദ്മി പാർട്ടി എംഎൽഎ

Janayugom Online

അയോധ്യയിൽ ഹനുമാന്റെ പ്രതിഷ്ഠയും വേണമെന്ന് രാമജന്മഭൂമി ട്രസ്റ്റിനോട് ആം ആദ്മി പാർട്ടി വക്താവും എംഎൽഎയുമായ സൗരഭ് ഭരത്വാജ്. ഹനുമാൻ ശ്രീരാമന് വളരെ പ്രിയപ്പെട്ടവനാണ്. എവിടെയെല്ലാം രാമനുണ്ടോ അവിടെയൊക്കെ ഹനുമാനുമുണ്ട്. മാത്രമല്ല, എല്ലാ രാമക്ഷേത്രങ്ങളിലും എല്ലായ്പ്പോഴും രാമൻ, ലക്ഷ്മൺ, സീത, ഹനുമാൻ എന്നിവരുൾപ്പെടുന്ന പ്രതിഷ്ഠകൾ ഉണ്ടെന്നും അദ്ദേഹം പറഞ്ഞു.

ഹനുമാന്റെ സാഹസിക യാത്ര വർണിക്കുന്ന സുന്ദരകാണ്ഡത്തിന്റെ പാരായണം എല്ലാ മാസത്തിലെയും ആദ്യ ചൊവ്വാഴ്ച തന്റെ മണ്ഡലത്തിൽ നടത്തുമെന്നും സൗരഭ് ഭരത്വാജ് വ്യക്തമാക്കി. തെരഞ്ഞെടുപ്പ് പ്രചാരണ വേളയിൽ ഡൽഹി മുഖ്യമന്ത്രിയും ആം ആദ്മി ദേശീയ കൺവീനറുമായ അരവിന്ദ് കെജ്രിവാൾ ഹനുമാൻ ക്ഷേത്രം സന്ദർശിക്കുന്നത് സംബന്ധിച്ച് ഭരണകക്ഷിയായ ആം ആദ്മി പാർട്ടിയെ ബിജെപി പരിഹസിച്ചിരുന്നു.

Eng­lish Sum­ma­ry; AAP MLA wants a Hanu­man stat­ue con­struct­ed at Ayodhya

YOU MAY ALSO LIKE THIS VIDEO