അന്വേഷണ ഏജന്‍സികളെ ദുരുപയോഗം ചെയ്യുന്നു; പ്രതിപക്ഷം രാഷ്ട്രപതിക്ക് കത്തയച്ചു

രാഷ്ട്രീയ പ്രതിയോഗികളെ അടിച്ചമര്‍ത്തുന്നതിനായി കേന്ദ്ര അന്വേഷണ ഏജന്‍സികളെ മോഡി സര്‍ക്കാര്‍ ദുരുപയോഗം ചെയ്യുന്നുവെന്ന് കാണിച്ച് പ്രതിപക്ഷം രാഷ്ട്രപതി ദ്രൗപദി മുര്‍മുവിന് കത്തയച്ചു. വിലക്കയറ്റവും ജിഎസ്ടി വര്‍ധനയും പാര്‍ലമെന്റില്‍ ചര്‍ച്ച ചെയ്യണമെന്ന പ്രതിപക്ഷത്തിന്റെ ആവശ്യത്തിനെതിരെ കേന്ദ്ര സര്‍ക്കാരിന്റെ പിടിവാശി തുടരുകയാണ്. വിഷയത്തില്‍ അടിയന്തരമായി ഇടപെടണമെന്നും സിപിഐ, സിപിഐ(എം), ആര്‍ജെഡി, എഎപി തുടങ്ങിയ പ്രതിപക്ഷ പാര്‍ട്ടികള്‍ ചേര്‍ന്ന് തയ്യാറാക്കിയ കത്തില്‍ പറയുന്നു.
പേടിയും പക്ഷാപാതപരവുമല്ലാതെ നിയമങ്ങള്‍ നടപ്പാക്കേണ്ടത് അത്യാവശ്യമാണ്. എന്നാല്‍ ഇപ്പോള്‍ ചെയ്യുന്നത് പോലെ എതിരാളികളെ തെരഞ്ഞുപിടിച്ച് ആക്രമിക്കുന്നതിന് നിയമം ദുരുപയോഗം ചെയ്യരുതെന്നും കത്തില്‍ പറയുന്നു.

Eng­lish Sum­ma­ry: abus­ing inves­tiga­tive agen­cies; The oppo­si­tion has sent a let­ter to the President

You may like this video also