Friday
13 Dec 2019

വയനാട് എന്‍ജിനീയറിങ് കോളജ് കമ്പ്യൂട്ടര്‍ സയന്‍സിന് എന്‍ബിഎ അക്രഡിറ്റേഷന്‍

By: Web Desk | Thursday 19 October 2017 6:25 PM IST


മാനന്തവാടി: തലപ്പുഴയിലെ വയനാട് എന്‍ജിനീയറിങ് കോളജിന് എന്‍ബിഎ അക്രഡിറ്റേഷന്‍. കോളജിലെ കമ്പ്യൂട്ടര്‍ സയന്‍സ് ആന്റ് എന്‍ജിനീയറിങ്ങിനാണ് ടയര്‍ ടു വിഭാഗത്തില്‍ അക്രഡിറ്റേഷന്‍ ലഭിച്ചത്. 2020 ജൂണ്‍ 30 വരെയുള്ള മൂന്ന് വര്‍ഷത്തേക്കാണ് അക്രഡിറ്റേഷന്‍. 2013 ഡിസംബര്‍ 19നാണ് കോളജ് അക്രഡിറ്റേഷനായി അപേക്ഷിച്ചത്. കമ്പ്യൂട്ടര്‍ സയന്‍സ് എന്‍ജിനീയറിങ്ങിന് പുറമെ ഇലക്‌ട്രോണിക്‌സ് എന്‍ജിനീയറിങ്ങിനും അപേക്ഷിച്ചിരുന്നു. എന്നാല്‍ ഇലക്‌ട്രോണിക്‌സ് എന്‍ജിനീയറിങ് അപേക്ഷ പരിശോധനയില്‍ അക്രഡിറ്റേഷന്‍ സംഘം തള്ളി. ഡല്‍ഹിയില്‍നിന്നുള്ള സംഘം ജൂലൈ 28 മുതല്‍ 30 വരെയാണ് കോളജില്‍ പരിശോധന നടത്തിയത്. കോഴ്‌സുകളുടെ നിലവാരം, അദ്ധ്യാപക-വിദ്യാര്‍ത്ഥി നിലവാരം, കോളജിന്റെ ഭൗതീക സാഹചര്യങ്ങള്‍ തുടങ്ങിയവയാണ് പരിശോധനാ വിധേയമാക്കിയത്.