കാടുമുഴുവൻ
ഒച്ചകളാണെന്നും
കാട്ടിലെ
തടാകത്തിലാണ്
നിലാവുള്ള രാത്രിയിൽ
ചന്ദ്രൻ അടയിരിക്കാറുള്ളതെന്നും
അറിഞ്ഞന്നു പകലാണ്
ഞങ്ങൾ
തിരിച്ചിറങ്ങിയത്!
എത്ര ചീവിടുകളാണ്
കാടിനൊപ്പം
പാട്ടുകളാകുന്നത്
എത്ര മഴകളാണ്
പെയ്തുമതിവരാതെ
ചില്ലകളിൽ
ചേക്കേറിയത്
സൂര്യനുദിക്കാത്ത
എത്ര സാമ്രാജ്യങ്ങളാണ്
ഓരോ കാട്ടിനുള്ളിലും
ഒളിച്ചിരിക്കുന്നത്
ഇടയ്ക്കൊന്നു
കടന്നുചെല്ലാനൊരു
കാടു ബാക്കിയുള്ളത്
നല്ലതിനാണ്!
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.