Web Desk

തിരുവനന്തപുരം

December 28, 2020, 7:32 pm

ജലജീവൻ; 5.16 ലക്ഷം കുടിവെള്ള കണക്ഷനുകൾക്ക് കൂടി ഭരണാനുമതി

Janayugom Online

സംസ്ഥാനത്തെ എല്ലാ ഗ്രാമീണ വീടുകളിലും കുടിവെള്ള കണക്ഷൻ നൽകാനായി നടപ്പിലാക്കുന്ന ജലജീവൻ മിഷൻ പദ്ധതി വഴി 5.16 ലക്ഷം കുടിവെള്ള കണക്ഷനുകള്‍ക്ക് കൂടി സംസ്ഥാന സർക്കാരിന്റെ ഭരണാനുമതി. 2020–21ലെ രണ്ടാംഘട്ടത്തിൽ 2313.11 കോടി രൂപയുടെ പദ്ധതികൾക്കാണ് അനുമതി.

611 അങ്കണവാടികൾക്ക് കുടിവെള്ള കണക്ഷൻ നൽകാനായി 61 ലക്ഷം രൂപയും കുടിവെള്ള ഗുണനിലവാര പ്രശ്നങ്ങളുള്ള പ്രദേശങ്ങൾക്ക് താൽക്കാലിക പരിഹാരം ലഭ്യമാക്കാനായി 2.85 കോടി രൂപയും അനുവദിച്ചിട്ടുണ്ട്. ആദ്യഘട്ടമായി 16.48 ലക്ഷം കണക്ഷനുകൾക്കായി 4343.89 കോടി രൂപയുടെ പദ്ധതികൾക്ക് ഓഗസ്റ്റില്‍ ഭരണാനുമതി ലഭ്യമാക്കിയിരുന്നു. ഇതോടെ 2020–21ൽ 21.65 ലക്ഷം കണക്ഷനുകൾക്ക് ഭരണാനുമതി ലഭ്യമായി.

ഗ്രാമീണ മേഖലയിൽ ജലജീവൻ വഴി കുടിവെള്ള കണക്ഷൻ ലഭ്യമാക്കാനുള്ള ആദ്യഘട്ട പ്രവർത്തനങ്ങൾ സംസ്ഥാനത്ത് പുരോഗമിക്കുകയാണ്. 2020–21ൽ ഇതുവരെ 1.30 ലക്ഷം കണക്ഷനുകളാണ് നൽകിയത്. 2021–22ൽ 12 ലക്ഷം കണക്ഷനും 2022–23ൽ 6.69 ലക്ഷം കണക്ഷനും 2023–24ൽ ബാക്കി 9.54 ലക്ഷം കണക്ഷനും നൽകാൻ ലക്ഷ്യമാക്കിയാണ് പദ്ധതി പ്രവർത്തനം ആസൂത്രണം ചെയ്തിട്ടുള്ളത്. 2024-ഓടെ 49.65 ലക്ഷം ഗ്രാമീണ വീടുകൾക്കാണ് കണക്ഷൻ നൽകേണ്ടത്.

Eng­lish sum­ma­ry; Admin­is­tra­tive approval for drink­ing water connections

You may also like this video;