29 March 2024, Friday

Related news

March 19, 2024
February 14, 2024
February 13, 2024
January 19, 2024
January 15, 2024
January 2, 2024
December 8, 2023
December 7, 2023
November 28, 2023
November 28, 2023

നടുവില്‍ കര്‍ട്ടന്‍, പെണ്‍കുട്ടികള്‍ക്ക് പ്രത്യേക വഴി: അഫ്ഗാനില്‍ ക്ലാസുകള്‍ തുടങ്ങി

Janayugom Webdesk
കാബൂള്‍
September 6, 2021 5:13 pm

ഭീകരസംഘടനയായ താലിബാന്‍ അധികാരത്തിലെത്തിയ അഫ്ഗാനിസ്ഥാനില്‍ കടുത്ത നിയന്ത്രണങ്ങളോടെ സ്വകാര്യ സര്‍വകലാശാലകളില്‍ അധ്യയനം തുടങ്ങി. ആണ്‍കുട്ടികളെയും പെണ്‍കുട്ടികളെയും കര്‍ട്ടന്‍ സ്ഥാപിച്ച് വേര്‍തിരിച്ചിരിക്കുന്ന ക്ലാസ് മുറികളുടെ ചിത്രങ്ങള്‍ പുറത്തുവന്നിട്ടുണ്ട്.
അമാജ് ന്യൂസ് ഏജന്‍സിയാണ് ചിത്രങ്ങള്‍ പുറത്തുവിട്ടിരിക്കുന്നത്. ക്ലാസ്മുറികളില്‍ ആണ്‍കുട്ടികളെയും പെണ്‍കുട്ടികളെയും ഒരുമിച്ച് ഇരുത്തരുത് എന്നതുള്‍പ്പെടെയുള്ള നിര്‍ദ്ദേശങ്ങള്‍ ശനിയാഴ്ച താലിബാന്‍ പുറപ്പെടുവിച്ചിരുന്നു. 

പെണ്‍കുട്ടികള്‍ നിഖാബ് ധരിക്കണമെന്നും കണ്ണുകളൊഴികെ മുഖം മൂടിയിരിക്കണമെന്നും ഈ സര്‍ക്കുലറിലുണ്ട്. വ്യത്യസ്ത ക്ലാസ്മുറികള്‍ പ്രായോഗികമല്ലെങ്കില്‍ കര്‍ട്ടന്‍ ഉപയോഗിച്ച് ക്ലാസ്മുറികള്‍ രണ്ടായി തിരിക്കണം, പെണ്‍കുട്ടികളെ പഠിപ്പിക്കാന്‍ അധ്യാപികമാരെ നിയോഗിക്കണം, അധ്യാപികമാര്‍ ലഭ്യമല്ലെങ്കില്‍ മുതിര്‍ന്ന അധ്യാപകരെയും നിയോഗിക്കാം. ആണ്‍കുട്ടികളും പെണ്‍കുട്ടികളും പ്രത്യേകം വഴിയിലൂടെയായിരിക്കണം വിദ്യാലയങ്ങളിലേക്ക് എത്തേണ്ടത്. ആണ്‍കുട്ടികള്‍ വിദ്യാലയം വിട്ടുപോയതിന് മാത്രമേ പെണ്‍കുട്ടികള്‍ പുറത്തിറങ്ങാവൂ, ഓരോ സ്ഥാപനങ്ങളും വിദ്യാര്‍ത്ഥിനികളുടെ എണ്ണം അനുസരിച്ച് അധ്യാപികമാരെ നിയമിക്കണമെന്നും താലിബാന്റെ ഉത്തരവില്‍ പറയുന്നുണ്ട്. 

ENGLISH SUMMARY:Afgan col­lege opened
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.