August 12, 2022 Friday

Related news

September 29, 2021
September 29, 2021
September 29, 2021
September 28, 2021
September 28, 2021
September 28, 2021
September 15, 2021
April 2, 2021
April 1, 2021
March 31, 2021

കനയ്യയ്ക്കുനേരെ വീണ്ടും സംഘപരിവാർ അക്രമം; വേദിക്ക് തീയിട്ടു

Janayugom Webdesk
പട്ന
February 14, 2020 4:15 pm

സിപിഐ നേതാവ് കനയ്യ കുമാറിന്റെ ജനഗണമന യാത്രയ്ക്കുനേരെ വീണ്ടും സംഘപരിവാർ ആക്രമണം. കനയ്യ കുമാർ സഞ്ചരിച്ചിരുന്ന വാഹന വ്യൂഹത്തിന് നേരെ ഇന്നലെ വൈകിട്ട് ബക്സറിൽ നിന്നും ആരയിലേയ്ക്ക് പോകുന്ന വഴിയാണ് കല്ലേറുണ്ടായത്. കാവി തൂവാലകൊണ്ട് മുഖം മറച്ചെത്തിയ ആർഎസ്എസ് സംഘം വാഹനവ്യൂഹത്തിന് നേരെ കല്ലെറിയുകയായിരുന്നു. യാത്രയോടൊപ്പം ഇന്നലെ സഞ്ചരിച്ചിരുന്ന പൊലീസുകാർ പുറത്തിറങ്ങിയെങ്കിലും കൂടിനിന്ന അക്രമികൾ വാഹനം തടയാൻ ശ്രമിച്ചു. കനയ്യ ഉൾപ്പെടെ വാഹനത്തിൽ ഉണ്ടായിരുന്നവർ പുറത്തിറങ്ങി. ഈ നേരം പ്രകോപനകരമായ ആക്രോശങ്ങളുമായി സംഘം വാഹനങ്ങൾക്ക് അടുത്തേയ്ക്ക് കുതിച്ചു. പൊലീസ് ബലം പ്രയോഗിച്ച് പിന്തിരിപ്പിക്കുകയും കനയ്യയുടെ വാഹനവ്യൂഹം കടത്തിവിടുകയുമായിരുന്നു. ഇന്നലെ വൈകുന്നേരം യാത്ര സ്വീകരണ പരിപാടി നടക്കേണ്ടിയിരുന്ന ആരയിലെ വേദി വ്യാഴാഴ്ച്ച രാത്രി സംഘപരിവാർ തീവച്ചു നശിപ്പിച്ചിരുന്നു. ഇതേ തുടർന്ന് വാഹനത്തിലുണ്ടായിരുന്ന ഉച്ചഭാഷിണി ഉപയോഗിച്ചാണ് കനയ്യയും മറ്റുള്ളവരും സംസാരിച്ചത്. രണ്ടാഴ്ച്ചക്കിടെ എട്ടാമത്തെ തവണയാണ് കനയ്യയ്യുടെ നേതൃത്വത്തിലുള്ള യാത്ര ആക്രമിക്കപ്പെടുന്നത്. ജനുവരി 30ന് ഗാന്ധി രക്തസാക്ഷി ദിനത്തിലാണ് ഒരു മാസം നീണ്ടുനിൽക്കുന്ന ജനഗണമന യാത്ര പര്യടനം ആരംഭിച്ചത്.

 

Eng­lish sum­ma­ry: again attack towards kanhaiya

you may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.