Web Desk

ഉത്തര്‍പ്രദേശ്

April 01, 2020, 11:12 am

രാജ്യത്ത് വീണ്ടും കോവിഡ് മരണം

Janayugom Online

രാജ്യത്ത് വീണ്ടും കോവിഡ് മരണം. ഉത്തര്‍പ്രദേശില്‍ ബസ്തി സ്വദേശിയായ 25 കാരന്‍ വൈറസ് ബാധിച്ച് മരിച്ചു. യുപിയിലെ ആദ്യ കോവിഡ് മരണമാണ് റിപ്പോര്‍ട്ട് ചെയ്തിരിക്കുന്നത്. മഹാരാഷ്ട്രക്ക് പോയ വിവരം യുവാവ് മറച്ചുവച്ചെന്ന് ആരോഗ്യ പ്രവർത്തകർ പറഞ്ഞു.

അതേസമയം മഹാരാഷ്ട്രയിൽ കോവിഡ് രോഗികളുടെ എണ്ണം 320 ആയി. പുതുതായി 18 പേർക്ക് കൂടി രോഗം സ്ഥിരീകരിച്ചു. ഇതിൽ 16 പേർ മുംബൈയിൽ നിന്നും രണ്ട് പേർ പൂണെയില്‍ നിന്നുമാണ്. 24 മണിക്കൂറിനിടെ രണ്ട് പേരാണ് സംസ്ഥാനത്ത് മരിച്ചത്. ഗുജറാത്തിൽ എട്ട് പുതിയ കോവിഡ് കേസുകൾ കൂടി റിപ്പോർട്ട് ചെയ്തു. ഇതോടെ ഗുജറാത്തില്‍ 82 പേരാണ് രോഗബാധിതരായത്.