Web Desk

ന്യൂഡല്‍ഹി

February 04, 2020, 2:02 pm

കൊറോണ: ഹോങ്കോംഗിലേക്കുള്ള സര്‍വീസുകള്‍ നിര്‍ത്താനൊരുങ്ങി എയര്‍ ഇന്ത്യ

Janayugom Online

കൊറോണ വൈറസിനെ തുടര്‍ന്ന് ഹോങ്കോംഗിലേക്കുള്ള വിമാന സര്‍വീസുകള്‍ നിര്‍ത്താനൊരുങ്ങി എയര്‍ ഇന്ത്യ. ഫെബ്രുവരി ഏഴിന് ശേഷമുള്ള സര്‍വീസുകള്‍ നിര്‍ത്തിവെയ്ക്കാനാണ് തീരുമാനം. എഐ314 വിമാനമാകും ഫെബ്രുവരി ഏഴിന് അവസാന സര്‍വീസ് നടത്തുകയെന്നും എയര്‍ ഇന്ത്യ ചെയര്‍മാന്‍ അശ്വനി ലോഹാനി ട്വിറ്ററില്‍ അറിയിച്ചു.

കൊറോണ വൈറസ് ബാധിച്ച് ഹോങ്കോംഗില്‍ ചികിത്സയില്‍ കഴിഞ്ഞിരുന്ന 39കാരന്‍ ഇന്ന് മരിച്ചിരുന്നു. ഹോങ്കോംഗില്‍ സ്ഥിരീകരിക്കുന്ന ആദ്യ മരണമാണിത്. ചൈനക്ക് പുറത്ത് റിപ്പോര്‍ട്ട് ചെയ്യുന്ന രണ്ടാമത്തെ മരണം കൂടിയാണിത്. ഞായാറാഴ്ച ഫിലിപ്പീന്‍സില്‍ കൊറോണ ബാധിച്ച് ചൈനീസ് പൗരന്‍ മരിച്ചിരുന്നു. അതേസമയം വൈറസ് വ്യാപകമായി പടരുന്ന സാഹചര്യത്തില്‍ ചൈനയിലേക്കുള്ള ചില വിമാന സര്‍വീസുകള്‍ എയര്‍ ഇന്ത്യയും ഇന്‍ഡിഗോയും നേരത്തേ നിര്‍ത്തിവച്ചിരുന്നു.

Eng­lish Sum­ma­ry: Air India decides to sus­pend ser­vices to hong kong

YOU MAY ALSO LIKE THIS VIDEO