28 March 2024, Thursday

എകെജി സെന്റർ ആക്രമണം: അക്രമി എത്തിയത്‌ മെറ്റാലിക്‌ ഗ്രേ നിറമുള്ള സ്കൂട്ടറില്‍

Janayugom Webdesk
തിരുവനന്തപുരം
July 24, 2022 11:51 pm

എകെജി സെന്റർ ആക്രമണക്കേസിൽ അക്രമി എത്തിയത്‌ മെറ്റാലിക്‌ ഗ്രേ നിറമുള്ള ഹോണ്ട ഡിയോ സ്കൂട്ടറിലെന്ന്‌ പൊലീസ്‌ സ്ഥിരീകരിച്ചു. സിസിടിവി ദൃശ്യങ്ങൾ ശാസ്ത്രീയമായി പരിശോധിച്ചാണ്‌ ഇക്കാര്യം സ്ഥിരീകരിച്ചത്‌. ചുവന്ന നിറമുള്ള സ്കൂട്ടറിലാണ്‌ അക്രമി എത്തിയതെന്നായിരുന്നു ആദ്യ നിഗമനം. പ്രത്യേകാന്വേഷണ സംഘത്തിന്റെ നേതൃത്വത്തിൽ അന്വേഷണം നടന്നിരുന്നെങ്കിലും പ്രതിയിലേക്ക്‌ എത്താൻ കഴിഞ്ഞിരുന്നില്ല. ഈ സാഹചര്യത്തിലാണ്‌ അന്വേഷണം ക്രൈംബ്രാഞ്ചിന്‌ കൈമാറിയത്‌.
ഇന്ന് പുതിയ അന്വേഷണ സംഘം രൂപീകരിച്ചാകും ക്രൈംബ്രാഞ്ച്‌ അന്വേഷണ നടപടികൾ ആരംഭിക്കുന്നത്‌. നിലവിലുണ്ടായിരുന്ന പ്രത്യേകാന്വേഷണ സംഘം നിരവധി സിസിടിവി ദൃശ്യങ്ങൾ ശേഖരിച്ചിരുന്നു. എന്നാൽ, വാഹനം കൃത്യമായി കണ്ടെത്താൻ കഴിയുന്നത്ര വ്യക്തതയുള്ളതായിരുന്നില്ല ദൃശ്യങ്ങൾ. ഹെഡ്‌ലൈറ്റിൽ നിന്നുള്ള ശക്തമായ പ്രകാശം കാമറകളിൽ പതിച്ചതിനാൽ നമ്പർ വ്യക്തമായുമില്ല. ബംഗളുരുവിലും ഹൈദരാബാദിലുമടക്കം പരിശോധന നടത്തിയെങ്കിലും ചിത്രങ്ങൾ വലുതാക്കുന്നതിൽ വിജയിച്ചില്ല. ഇറ്റലി, ബ്രിട്ടീഷ്‌ കമ്പനികൾ വികസിപ്പിച്ച സോഫ്‌റ്റ്‌വേറിന്റെ സഹായം തേടിയിട്ടും പ്രയോജനമുണ്ടായില്ല. 

Eng­lish Sum­ma­ry: AKG Cen­ter Attack: The attack­er arrived on a metal­lic gray col­ored scooter

You may like this video also

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.