October 3, 2022 Monday

Related news

October 3, 2022
October 3, 2022
October 2, 2022
October 2, 2022
October 1, 2022
September 30, 2022
September 30, 2022
September 29, 2022
September 27, 2022
September 27, 2022

സ്ഥിതി രൂക്ഷം; സഹായിക്കാന്‍ തയ്യാര്‍; ഇന്ത്യ‑ചൈന അതിര്‍ത്തി സംഘര്‍ഷത്തില്‍ ട്രംപ്

Janayugom Webdesk
വാഷിങ്ടണ്‍
September 5, 2020 9:21 am

ഇന്ത്യ‑ചൈന അതിര്‍ത്തി സംഘര്‍ഷത്തില്‍  ഇടപെടാൻ അമേരിക്കയ്ക്ക് താത്പര്യമുണ്ടെന്ന് യുഎസ് പ്രസിഡന്റ് ഡോണൾഡ്‌ ട്രംപ്. ട്രംപ് വൈറ്റ് ഹൗസിൽ വാർത്താസമ്മേളനത്തിലാണ് ഇക്കാര്യം വ്യക്തമാക്കിയത് . ഇന്ത്യ ചൈന അതിർത്തിയിലെ സാഹചര്യം രൂക്ഷമാണ്. ഇതിൽ ഇടപെട്ടു സഹായിക്കാൻ അമേരിക്ക താൽപ്പര്യമുണ്ടെന്നും ട്രംപ് പറഞ്ഞു. ചൈനയെയും ഇന്ത്യയെയും സംഘർഷത്തിലേക്ക് നയിക്കുകയാണോ എന്ന മാധ്യമപ്രവര്‍ത്തകരുടെ ചോദ്യത്തിന്, അങ്ങനെ ഉണ്ടാവില്ലെന്നാണ് താൻ പ്രതീക്ഷിക്കുന്നതെങ്കിലും അതിലേക്കാണ് കാര്യങ്ങൾ പോകുന്നതെന്നു ട്രംപ് പറഞ്ഞു.

അതേസമയം, സമാധാനത്തിന്റെ പാതയിലൂടെ ചൈനയുമായുള്ള അതിര്‍ത്തി പ്രശ്‌നം പരിഹരിക്കാന്‍ സന്നദ്ധത പ്രകടിപ്പിക്കുമ്പോഴും അനിതര സാധാരണ സാഹചര്യം ഉടലെടുത്താല്‍ തിരിച്ചടിക്കാന്‍ ഇന്ത്യ സന്നാഹങ്ങളൊരുക്കി. തര്‍ക്കം സംബന്ധിച്ച് അനുകൂല അഭിപ്രായ ഐക്യം രൂപീകരിക്കാനുള്ള നയതന്ത്ര നീക്കങ്ങളും രാജ്യം ശക്തമാക്കി.

ചൈനീസ് ഭാഗത്തുനിന്നും അസാധാരണമായ പ്രകോപനം ഉണ്ടായാല്‍ എല്ലാ അര്‍ത്ഥത്തിലും ശക്തമായ പ്രതിരോധവും തക്കതായ മറുപടിയും നല്‍കുമെന്ന് ഇന്ത്യ സൂചന നൽകി. ഏതാനും ദിവസങ്ങളായി സൈന്യം ഇതിനുള്ള തയ്യാറെടുപ്പിലായിരുന്നു. കാര്യമായ പ്രതിരോധം സൃഷ്ടിക്കാന്‍ പാകത്തിന് ഉയർന്ന മലമുകളില്‍ വ്യോമസേനാ യുദ്ധവിമാനങ്ങളുടെ വിന്യാസങ്ങളും പൂര്‍ത്തിയാക്കിയെന്നാണറിയുന്നത്. റഫാല്‍ വിമാനങ്ങളും ഇന്ത്യന്‍ വ്യോമസേനയ്ക്ക് കൂടുതല്‍ കരുത്തായി.

Eng­lish sum­ma­ry: Amer­i­ca on India chi­na issue
You may also like this video:

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.